ពិធីបិទជាផ្លូវការ និងសកម្មភាពការចូលរួមកម្មវិធី Mentorship Programs នៅទីក្រុង Melbourne, ប្រទេសអូស្ត្រាលី ជូនដល់សិក្ខាកាមជ័យលាភីទាំង ១៣រូប ជាថ្នាក់ដឹកនាំ និងមន្ត្រីរាជការជាស្ត្រី នៃក្រសួងសាធារណការ និងដឹកជញ្ជូន ក្រោមកិច្ចសហការរវាងស្ថានទូតអូស្ត្រាលី ប្រចាំនៅកម្ពុជា, មូលនិធិ Asia Foundation និង វិទ្យាស្ថានតេជោសែន សាធារណការ និងដឹកជញ្ជូន នាព្រឹកថ្ងៃទី២៥ ខែកក្កដា ឆ្នាំ២០២៤ នាទីក្រុង Melbourne ប្រទេសអូស្ត្រាលី, សិក្ខាកាមជ័យលាភីទាំង ១៣រូប ជាថ្នាក់ដឹកនាំ និងមន្ត្រីរាជការជាស្ត្រី ក្រសួងសាធារណការ និងដឹកជញ្ជូន និងមានការចូលរួមពីតំណាងថ្នាក់ដឹកនាំវិទ្យាស្ថានតេជោសែន សាធារណការ និងដឹកជញ្ជូន បានចូលរួមកម្មវិធីបិទវគ្គបញ្ចប់កម្មវិធី នៅក្នុងប្រទេសអូស្ត្រាលី ដែលបានចូលរួមវគ្គបណ្តុះបណ្តាល Mentorship Programs ដែលបានប្រព្រឹត្តទៅ មានរយៈពេល ១៣ថ្ងៃ កន្លងទៅនេះ។ សិក្ខាកាមទាំងអស់ បានចូលរួមជួបពិភាក្សា ផ្លាស់ប្តូរយោបល់ ពី Mentors នៅប្រទេសអូស្ត្រាលី ជូនទៅដល់ Menteesទាំងអស់ ដែលមានមានសកម្មភាពសំខាន់ៗដូចជា៖ បានចូលរួមវគ្គឆ្លុះបញ្ចាំង (Reflection Session) ដើម្បីពិភាក្សាក្នុងការស្វែងយល់ពីមេរៀន, បានចូលរួមកិច្ចពិភាក្សា (Panel Discussion) ជាមួយវាគ្មិនលើប្រធានបទ Measuring your impact as a leader, ដំណើរទស្សនកិច្ចសិក្សានៅកំពង់ផែ Melbourne, VICT, មន្ទីរពិសោធន៍ living lab នៃប្រព័ន្ធអេកូសុីស្ទឹមនៃមធ្យោបាយដឹកជញ្ជូនរួមរបស់អូស្រ្តាលី AIMES, ទីស្នាក់ការកណ្តាល Yarra Trams និងស្ថានីយ៍រថភ្លើង Flinders street, ការធ្វើបទបង្ហាញចុងក្រោយស្តីពីផែនការសកម្មភាពដែលត្រូវអនុវត្តពេលត្រឡប់ទៅកម្ពុជាវិញ (Re Entry Action Plan) ជាដើម។ ជាលទ្ធផលការចូលរួមក្នុងវគ្គ Mentorship program នេះបានបញ្ចប់ដោយជោគជ័យ និងទទួលបានលទ្ធផលជាទីគាប់ប្រសើរ។សិក្ខាកាមទាំងអស់ បានចូលរួមក្នុងកម្មវិធីបិទវគ្គ និងប្រគល់វិញ្ញាបនបត្របញ្ចប់ការសិក្សាផងដែរ។ សូមបញ្ជាក់ជូនផងដែរថា សិក្ខាកាមជ័យលាភី ពីក្រសួងសាធារណការ និងដឹកជញ្ជូន មានអញ្ជើញមកពីចំណុះអគ្គនាយកដ្ឋាននីមួយៗ ចាប់ពីថ្នាក់ អគ្គនាយករង ប្រធាននាយកដ្ឋាន អនុប្រធាននាយកដ្ឋាន ប្រធានការិយាល័យ និងមន្ត្រីបច្ចេកទេសជំនាញផងដែរ។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube