កិច្ចប្រជុំ Kick-off meeting ជាមួយក្រុមអ្នកជំនាញការ Asian Infrastructure Investment Bank (AIIB) ដើម្បីពិភាក្សាលើការចុះបេសកកម្មក្នុងការពិនិត្យមើលទីតាំងជាក់ស្តែង និងដំណើរការបន្តនៃការរៀបចំគម្រោង ជំរុញការតភ្ជាប់ហេដ្ឋារចនាសម្ព័ន្ធច្រកទ្វារព្រំដែនក្នុងព្រះរាជាណាចក្រកម្ពុជា (3CEP) ទីស្តីការក្រសួង៖ នាព្រឹកថ្ងៃចន្ទ ទី០១ ខែកក្កដា ឆ្នាំ២០២៤ ឯកឧត្តម វ៉ាស៊ឹម សុរិយា អនុរដ្ឋលេខាធិការក្រសួងសាធារណការ និងដឹកជញ្ជូន តំណាងដ៏ខ្ពង់ខ្ពស់ លោកជំទាវ ឥម នីថារ៉ា រដ្ឋលេខាធិការ និងជានាយកគម្រោង 3CEP បានអញ្ជើញដឹកនាំកិច្ចប្រជុំ ដើម្បីពិភាក្សាអំពីផែនការចុះបេសកកម្មទៅកាន់ទីតាំងអនុវត្តគម្រោង និងពិនិត្យលើវឌ្ឍនភាពការងារនៃការរៀបចំគម្រោងជំរុញការតភ្ជាប់ហេដ្ឋារចនាសម្ព័ន្ធច្រកទ្វារព្រំដែនក្នុងព្រះរាជាណាចក្រកម្ពុជា (3CEP) ដោយមានការចូលរួមពី ក្រុមការងារ AIIB ឯកឧត្តម លោក លោកស្រី ជាប្រធាន អនុប្រធាន តំណាងមកពីក្រសួងសេដ្ឋកិច្ច និងហិរញ្ញវត្ថុ មន្រ្តីបច្ចេកទេស ជាសមាជិក សមាជិកាក្រុមការងារ និងមន្ត្រីពាក់ព័ន្ធជាច្រើនរូប។ កិច្ចប្រជុំនេះរៀបចំឡើងក្នុងគោលបំណងពិនិត្យ និងពិភាក្សាលើទិដ្ឋភាពទូទៅ និងទិសដៅនៃគម្រោង 3CEP ដែលផ្តោតលើផែនការកសាងនិងពង្រឹងសមត្ថភាព ការរៀបចំការងារកិច្ចលទ្ធកម្ម ព្រមទាំងពិភាក្សាអំពីទីតាំងនិងបច្ចេកទេសក្នុងផែនការអនុវត្តគម្រោងនីមួយៗ (ចំនួន៥ ទីតាំង) ក្នុងគម្រោង 3CEP សំដៅពន្លឿនការអនុវត្តគម្រោងក្នុងពេលឆាប់ៗខាងមុខ ឱ្យស្របនឹងផែនការដែលបានដាក់ចេញ។ សូមបញ្ជាក់ជូនថា៖នេះជាបេសកកម្មលើកទីពីររបស់ AIIB ដែលបានអញ្ជើញមកជួបប្រជុំ និងបំពេញបេសកកម្មដោយផ្ទាល់ ជាមួយអង្គភាពគ្រប់គ្រងគម្រោងនៃក្រសួងសាធារណការ និងដឹកជញ្ជូន (MPWT/PMU) ជាជំហានបន្តទៀត ក្រុមកាងារ MPWT/PMU និង AIIB នឹងចុះទៅពិនិត្យទីតាំងអនុវត្តគម្រោងដោយផ្ទាល់ ដើម្បធ្វើការសិក្សាបន្ថែមលើផ្នែកបច្ចេកទេស៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube