«សេចក្តីព្រាងច្បាប់ស្តីពីប្រព័ន្ធទឹកកខ្វក់» ត្រូវបានលើកមកពិនិត្យសម្រួលពាក្យពេចន៍ ឃ្លាឃ្លោង នៅក្នុងកិច្ចប្រជុំកម្រិតបច្ចេកទេសផ្ទៃក្នុងក្រសួង ទីស្តីការក្រសួង៖ កាលពីរសៀលថ្ងៃអង្គារ ទី០២ ខែមេសា ឆ្នាំ២០២៤ ឯកឧត្តម ប៉ាល់ ចន្ទតារា រដ្ឋលេខាធិការ និង ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំផ្ទៃក្នុង ដោយមានការចូលរួមពីថ្នាក់ដឹកនាំ និងមន្ត្រីជំនាញពាក់ព័ន្ធ មួយចំនួនផ្សេងទៀត។ កិច្ចប្រជុំនេះ ត្រូវបានរៀបចំឡើងក្នុងគោលបំណងដើម្បីពិនិត្យសម្រួលពាក្យពេចន៍ ឃ្លាឃ្លោងនៅក្នុងសេចក្តីព្រាងច្បាប់ស្តីពីប្រព័ន្ធទឹកកខ្វក់ ឱ្យមានភាពត្រឹមត្រូវ គ្រប់ជ្រុងជ្រោយ និងប្រកបដោយសង្គតិភាព បន្ទាប់ពីបានពិនិត្យ និងពិភាក្សាកម្រិតបច្ចេកទេស ជាមួយក្រុមប្រឹក្សាអ្នកច្បាប់ និងក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៅទីស្តីការគណៈរដ្ឋមន្រ្តី ត្រូវបានបញ្ចប់ កាលពីពេលថ្មីៗកន្លងទៅ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.YouTube