ជំនួបពិភាក្សាការងាររវាងវិទ្យាស្ថានតេជោសែន សាធារណការ និងដឹកជញ្ជូន និងតំណាងស្ថានទូតថៃ ប្រចាំនៅព្រះរាជាណាចក្រកម្ពុជា សំដៅលើកកម្ពស់កិច្ចសហប្រតិបត្តិការក្នុងវិស័យអប់រំ និងបណ្តុះបណ្តាលនៅកម្ពុជា នារៀលថ្ងៃពុធ ទី១៥ ខែកុម្ភៈ ឆ្នាំ២០២៤ ឯកឧត្តម ឡាវ វ៉ាន់ រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញទទួលជួបជាមួយ លោកស្រី Ek-on KUNACHAROEN អគ្គទីប្រឹក្សា នៃស្ថានទូតថៃប្រចាំព្រះរាជាណាចក្រកម្ពុជា និងសហការី ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ លោកនាយកស្តីទីវិទ្យាស្ថាន ថ្នាក់ដឹក និងមន្ត្រីជំនាញពាក់ពន្ធ័របស់វិទ្យាស្ថានផងដែរ។ គោលបំណងសំខាន់នៃកិច្ចប្រជុំនេះគឺ ដើម្បីពិភាក្សាការងារ និងពិនិត្យលទ្ធភាពលើកិច្ចសហប្រតិបត្តិការក្នុងវិស័យអប់រំ និងបណ្តុះបណ្តាល រវាងវិទ្យាស្ថានតេជោសែន សាធារណការ និងដឹកជញ្ជូន និង គ្រឹះស្ថានឧត្តមសិក្សា ក៏ដូចជាស្ថាប័ននានា នៃព្រះរាជាណាចក្រថៃ តាមរយៈការផ្លាស់ប្តូរទស្សនកិច្ចសិក្សារបស់ថ្នាក់ដឹកនាំ និងនិស្សិត ការផ្តល់ការគាំទ្រលើជំនួយបច្ចេកទេសផ្សេងៗ និងកម្មវិធីសិក្សា ជាពិសេសលើជំនាញ ភស្តុភារកម្ម និងខ្សែច្រវាក់ផ្គត់ផ្គង់ ។ ជាលទ្ធផលនៃកិច្ចប្រជុំ តំណាងស្ថានទូតថៃប្រចាំព្រះរាជាណាចក្រកម្ពុជាបានបង្ហាញពីចំណាប់អារម្មណ៍ក្នុងការគាំទ្រ និងជំរុញកិច្ចទំនាក់ទំនងរវាង វិទ្យាស្ថាន និង សាកលវិទ្យាល័យ Chulalongkorn ក៏ដូចជាក្រុមហ៊ុន និងស្ថាប័ននានា នៅប្រទេសថៃ និងតំណាងក្រុមហ៊ុន-ស្ថាប័នថៃ ប្រចាំនៅកម្ពុជា ដើម្បីអាចផ្តល់ឱកាសឱ្យនិស្សិតវិទ្យាស្ថានតេជោសែន សាធារណការ និងដឹកជញ្ជូន បានចុះកម្មសិក្សា ទស្សនកិច្ចសិក្សា និងបន្តការសិក្សាផងដែរ៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube