កិច្ចប្រជុំរវាងវិទ្យាស្ថានតេជោសែនសាធារណការ​ និងដឹកជញ្ជូន​ និងតំណាងស្ថានទូតជប៉ុនប្រចាំនៅកម្ពុជា​ ស្តីពីការលេីកកម្ពស់កិច្ចសហប្រតិបត្តការ​ ​និងលទ្ធភាពក្នុងការផ្តល់ជំនួយ​ លេីការអប់រំ​ បណ្តុះបណ្តាល​ និងបច្ចេកទេស​ ដល់វិទ្យាស្ថាន។ នាថ្ងៃទី០៩ ខែមករា ឆ្នាំ២០២៤ លោក ប្រាងហង្ស សេរីរិទ្ធ នាយកស្តីទីវិទ្យាស្ថានតេជោសែន សាធារណការ និងដឹកជញ្ជូន បានអញ្ជើញទទួលជួប ជាមួយ លោក Hiroyuki Tokito លេខាទី២ នៃស្ថានទូតជប៉ុន ប្រចាំនៅកម្ពុជា ដោយមានការចូលរួមពី ថ្នាក់ដឹកនាំវិទ្យាស្ថាន មន្ត្រីរាជការពាក់ព័ន្ធ និងតំណាង JICA Expert-MPWT ផងដែរ។ ជាលទ្ធផល ភាគីជប៉ុនបានឈ្វេងយល់អំពីស្ថានភាពទូទៅរបស់វិទ្យាស្ថាន ព្រមទាំងទទួលយកសំណើរបស់វិទ្យាស្ថាន ដើម្បីសិក្សាលទ្ធភាពក្នុងការគាំទ្រលើកិច្ចសហការក្នុងវិស័យអប់រំ បច្ចេកទេស និងធនធានមនុស្ស ពាក់ព័ន្ធនឹង បច្ចេកវិទ្យា ជំនាញនាវាចរណ៍ ទំនើបកម្មកម្មវិធីសិក្សា និងការបណ្តុះបណ្តាលគ្រូបង្គោល ជាដើម តាមរយ:ការផ្តល់ជាជំនួយបច្ចេកទេស ឬការផ្តល់ឥណទានពីរដ្ឋាភិបាលជប៉ុន។ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube