នៅព្រឹកថ្ងៃទី២៥ ខែធ្នូ ឆ្នាំ២០២៣ អាជ្ញាធរសង្កាត់ចោមចៅទី៣ បានដាក់គ្រឿងចក្រដេីម្បីជួសជុលឱ្យល្អឡេីងវិញផ្លូវបេតុងមួយខ្សែដែលរងការខូចខាតជាយូរមកហេីយ ធ្វើឲ្យប៉ះពាល់ដល់ការធ្វេីដំណេីរ និងប្រកបរបររកទទួលទានរបស់បងប្អូនប្រជាពលរដ្ឋ។ លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា ផ្លូវខាងលេីស្ថិតនៅភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ ដែលទ្រុឌទ្រោមជាយូមកហេីយ។ លោកបន្តថា ផ្លូវដែលត្រូវបានជួសជុលមានប្រវែង៧២ ម៉ែត្រ ទទឹង៨ម៉ែត្រ ហេីយថវិការដែលជួសជុលនេះ គឺជាមូលនីធិអភិវឌ្ឍរបស់សង្កាត់ចោមចៅទី៣។ជាមួយគ្នានោះផងដែរ លោកស្រី ថា ធីថា ជាអាជីវកលក់ដូរនៅទីនោះបានឱ្យដឹងថា រូបគាត់រស់នៅទីនោះអស់រយៈពេល១០ឆ្នាំមកហេីយ ចំណែកផ្លូវដែលខូចខាងលេីគឺរយះពេលប្រហែល៤ឆ្នាំមកហេីយ ដោយរងផលប៉ះពាលដល់ការរស់នៅ និងប្រកបរបរទទួលទានយ៉ាងខ្លាំង តែមកដល់ពេលនេះដោយមានការយកចិត្តទុកដាក់របស់អាជ្ញាធរក៏បានជួសជុលឱ្យល្អស្អាតឡេីងវិញ ធ្វេីឱ្យរូបគាត់សប្បាយចិត្ត និងសូមអរគុណដល់អាជ្ញាធរសង្កាត់ចោមចៅទី៣ ដែលតែងតែយកចិត្តទុកដាក់ដល់ប្រជាពលរដ្ឋក្នុងមូលដ្ឋាន៕