កិច្ចស្វាគមន៍គណៈប្រតិភូ នៃប្រទេសឡាវ ក្នុងទស្សនកិច្ចសិក្សាកម្រិតបច្ចេកទេសវិស័យនៅក្នុងប្រទេសកម្ពុជា ទីស្ដីការក្រសួង៖ នាព្រឹកថ្ងៃពុធ ទី២៣ ខែវិច្ឆិកា ឆ្នាំ២០២៣ លោកស្រី សន សុភាវត្តី អគ្គនាយករង តំណាង ឯកឧត្តម ឈៀង ពេជ្រ បានដឹកនាំមន្រ្តី នៃអគ្គនាយកដ្ឋាន ទទួលជួបស្វាគមន៍គណៈប្រតិភូប្រទេសឡាវ ដឹកនាំដោយ លោក Phanthaphap PHOUNSAVATH អគ្គនាយករងដឹកជញ្ជូន នៃ ប្រទេសឡាវ ក្នុងទស្សនកិច្ចសិក្សាកម្រិតបច្ចេកទេសវិស័យនៅក្នុងប្រទេសកម្ពុជា លោកស្រីអគ្គនាយករង បានបង្ហាញដោយសង្ខេបនូវស្ថានភាពនៃវិស័យ ព្រមទាំងគម្រោង និងចក្ខុវិស័យនាពេលអនាគត របស់ប្រទេសកម្ពុជា។ ជាមួុយគ្នានោះដែរ លោក Phanthaphap PHOUNSAVATH បានថ្លែងអំណរគុណចំពោះការផ្តល់បទបង្ហាញ និងសម្តែងចំណាប់អារម្មណ៍បន្ថែម ក្នុងការពង្រឹងកិច្ចសហប្រតិបត្តិការទ្វេភាគី តាមរយៈការរៀបចំអនុស្សរណៈនៃការយោគយល់ រវាងក្រសួងទាំងពីរ ដើម្បីធ្វើការផ្លាស់ប្ដូរបទពិសោធន៍ ទិន្នន័យ និងឧត្តមានុវត្ត ក្នុងវិស័យ។ :: ភ្ជាប់ទំនាក់ទំនងជាមួយ (MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube