លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ រួមទាំងក្រុមការងារ បានដឹកនាំកិច្ចប្រជុំក្រុមការងារបច្ចេកទេស ដើម្បីដាក់អោយដំណើរការសាកល្បង ២៤ម៉ោងលើ២៤ម៉ោង នៅស្ថានីយ៍ប្រព្រឹត្តកម្មទឹកកខ្វក់ ជើងឯក ។ គិតត្រឹម វិច្ឆិកាឆ្នាំ២០២៣នេះ ការដ្ឋានសាងសង់ស្ថានីយ៍ប្រព្រឹត្តិកម្មទឹកកខ្វក់ ជើងឯក ប្រកបដោយគុណភាព សុវត្ថិភាព ការដ្ឋាន សម្រេចបាន ១០០%នៃគម្រោង ។ ស្ថានីយ៍នេះ ជាជំនួយឥតសំណងរបស់ប្រទេសជប៉ុន មានសមត្ថភាពចម្រោះទឹកកខ្វក់បានចំនួន ៥,០០០ម៉ែត្រគូបក្នុង១ថ្ងៃ ។ សូមថ្លែងអំណរគុណដល់ប្រជាជនជប៉ុន និងរាជរដ្ឋាភិបាលជប៉ុនដែលតែងតែផ្តល់ជំនួយឥតសំណង មកកម្ពុជា ។