ជំនួបពិភាក្សាការងារជាមួយគណៈប្រតិភូរដ្ឋមន្រ្តីទូត (ទីប្រឹក្សាទូត) និងជាអនុប្រធានបេសកកម្មការទូត នៃស្ថានទូតជប៉ុនប្រចាំកម្ពុជា ក្នុងឱកាសនៃខួបលើកទី៧០ អនុស្សាវរីយ៍ចំណងការទូតកម្ពុជា-ជប៉ុន ទីស្ដីការក្រសួង៖ ថ្ងៃចន្ទ ១១កើត ខែភទ្របទ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ ខែកញ្ញា ឆ្នាំ២០២៣ លោកជំទាវ កុយ សុដានី រដ្ឋលេខាធិការប្រចាំការ បានអញ្ជើញទទួលជួបពិភាក្សាការងារជាមួយលោក TANINAI Ichitomo រដ្ឋមន្រ្តីទូត (ទីប្រឹក្សាទូត) និងជាអនុប្រធានបេសកកម្មការទូត នៃស្ថានទូតជប៉ុន ប្រចាំនៅព្រះរាជាណាចក្រកម្ពុជា ដោយមានការចូលរួមពីថ្នាក់ដឹកនាំក្រសួង និងមន្ត្រីជំនាញពាក់ព័ន្ធផងដែរ។ ជំនួបនេះបានពិភាក្សាអំពីគម្រោងផែនការសកម្មភាពការងារ កិច្ចសហប្រតិបត្តិការរួមគ្នារវាង និងស្ថានទូតជប៉ុន ប្រចាំនៅព្រះរាជាណាចក្រកម្ពុជា ជុំវិញគម្រោងការងារសំខាន់ៗដែលក្រសួងបាន និងកំពុងអនុវត្តកន្លងមករហូតដល់ពេលបច្ចុប្បន្នដូចជា៖ ការកសាងជនបទ និងការសាងសង់ជាតិលេខ៥ និងការតភ្ជាប់អាស៊ាន ការអភិវឌ្ឍ កាបូមស្តារគន្លងនាវា និងការអភិវឌ្ឍក្រុងព្រះសីហនុ ការអនុវត្តគម្រោងជំនួយបច្ចេកទេសធ្វើឱ្យប្រសើរឡើងប្រព័ន្ធកម្ពុជា ជំហានទី១ និងទី២ ការសាងសង់ស្ថានីយចម្រោះទឹកកខ្វក់ខាងត្បូងរាជធានីភ្នំពេញ ដែលគ្រោងបញ្ចប់ក្នុងឆ្នាំ២០២៣ និងគម្រោងជំនួយបច្ចេកទេសថ្មីៗដូចជាគម្រោងធ្វើឱ្យប្រសើរឡើងប្រព័ន្ធកម្ពុជាជំហានទី៣ ការសិក្សាផែនទីនាវាចរណ៍សមុទ្រ ដែលគ្រោងនឹងអនុវត្ត ចុងឆ្នាំ២០២៣នេះ។ ឆ្លើយតបទៅនឹងសំណូមពររបស់គណៈប្រតិភូស្ថានទូតជប៉ុននាឱកាសនោះ លោកជំទាវរដ្ឋលេខាធិការប្រចាំការ បានជម្រាបជូនអំពីគម្រោងផែនការសកម្មភាពការងារ១០០ថ្ងៃ របស់ក្រសួង ក៏ដូចជាឯកឧត្តមផ្ទាល់រួមមានការត្រៀមសម្ពោធបើកប្រើប្រាស់ជាការកំណាត់ជាតិលេខ៥ ទស្សនកិច្ចល្បឿនលឿនភ្នំពេញ-បាវិត និងច្រកទ្វារព្រំដែនបាវិត ការចុះសួរសុខទុក្ខមន្រ្តីរាជការរាជធានី-ខេត្ត។ បន្ថែមពីលើនេះ លោកជំទាវរដ្ឋលេខាធិការប្រចាំការ បានសន្យាលើកយកទៅពិភាក្សាផ្ទៃក្នុងជាមួយរដ្ឋបាលខេត្ត និងស្ថាប័នពាក់ព័ន្ធ ទាក់ទងនឹងសំណើរបស់ក្រុមហ៊ុនតំបន់សេដ្ឋកិច្ចពិសេសខេត្តកោះកុង ជប៉ុនយ៉ាស៊ិគិ ស្តីពីការជួសជុលឡើងវិញ កំណាត់ប្រវែង១០០ម៉ែត្រក្នុងតំបន់ទ្រនាប់ (Buffer Zone) នៃច្រកទ្វារអន្តរជាតិចាំយាម(កម្ពុជា)-ហាត់លឹក(ថៃ) សំដៅជួយសម្រួលទំនិញនាំចេញពីតំបន់សេដ្ឋកិច្ចពិសេសខេត្តកោះកុង ទៅកាន់ប្រទេសថៃ។ សូមជម្រាបជូនថា៖ ប្រទេសជប៉ុន (JICA) តែងតែសហការ និងផ្ដល់ជូនកម្ពុជានូវជំនួយទាំងសម្ភារ និងបច្ចេកទេសផ្សេងៗលើផ្នែកជាច្រើនក្នុង រួមមាន៖ គម្រោងធ្វើឱ្យប្រសើរឡើងនូវប្រព័ន្ធកម្ពុជា គម្រោងធ្វើឱ្យប្រសើរឡើងនូវសុវត្ថិភាពចរាចណ៍លើដងជាតិសំខាន់ៗក្នុងព្រះរាជាណាចក្រកម្ពុជា និងគម្រោងលើកកម្រិតគុណភាពជាតិលេខ៥ (ព្រែកក្តាម-បន្ទាយមានជ័យ) ជាដើម៕