[Kampuchea Thmey] - អ្នកជំនាញការជប៉ុន ធ្វើបាឋកថាចែករំលែកចំណេះដឹងពីការអភិវឌ្ឍវិស័យកំពង់ផែនៅកម្ពុជា
2023-09-21
Go to the website published Kampuchea Thmey
ក្រោមការរៀបចំពីវិទ្យាស្ថានតេជោ សែន សាធារណការ និងដឹកជញ្ជូន ដោយសហការជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA) អ្នកជំនាញការជប៉ុន ៣ នា់ បានធ្វើបាឋកថាចែករំលែកចំណេះដឹងនិងបទពិសោធន៍ស្តីពីការអភិវឌ្ឍវិស័យកំពង់ផែនៅកម្ពុជា។
កម្មវិធីបាឋកថាដែលមានអ្នកចូលរួមប្រមាណជាង ២០០ នាក់ បានលើកយកប្រធានបទចំនួន ៣ មកបង្ហាញក្នុងនោះរួមមាន៖ ជំនួយអភិវឌ្ឍន៍របស់ប្រទេសជប៉ុននៅកម្ពុជា ការអភិវឌ្ឍហេដ្ឋារចនាសម្ព័ន្ធផែនៅប្រទេសជប៉ុននិងនៅកម្ពុជា និងការយល់ដឹងអំពីការបច្ចេកវិទ្យាក្នុងការរចនាប្លង់រចនាសម្ព័ន្ធផែនិងអាកាសយានដ្ឋាន។
បើតាមការគូសបញ្ជាក់ពីវិទ្យាស្ថានតេជោ សែន សាធារណការ និងដឹកជញ្ជូន ក្រៅពីការសិក្សានៅក្នុងថ្នាក់ ការពិសោធន៍នៅមន្ទីរពិសោធន៍ និងការអនុវត្ដទ្រឹស្ដីនៅកន្លែងការងារជាក់ស្ដែង វិទ្យាស្ថានក៏មានកម្មវិធីបាឋកថាចែករំលែកបទពិសោធន៍ពីអ្នកជំនាញជាតិ និងអន្ដរជាតិ ដើម្បីផ្ដល់ចំណេះដឹងបន្ថែមដល់និស្សិតផងដែរ៕
