ពិធីសំណេះសំណាលជាមួយ​ បុគ្គលិកមន្ត្រីរាជការ ខេត្តកំពង់ឆ្នាំង និងចែកសម្ភារបច្ចេកទេស និងផ្លាកសញ្ញាសុវត្ថិភាពការដ្ឋានថ្នល់ កំពង់ឆ្នាំង៖ ឯកឧត្តម បានអញ្ជើញជាអធិបតី ក្នុងពិធីសំណេះសំណាលជាមួយថ្នាក់ដឹកនាំ មន្ត្រីរាជការ មន្ត្រីកិច្ចសន្យា និងបុគ្គលិក នៃ ខេត្តកំពង់ឆ្នាំង ដោយមានការអញ្ជើញចូលរួមអមដំណើរពីសំណាក់ ឯកឧត្តមរដ្ឋលេខាធិការ អនុរដ្ឋលេខាធិការ អភិបាលរង នៃគណៈភិបាលខេត្តកំពង់ឆ្នាំង អគ្គនាយក លោកប្រធានមន្ទីរ និងមន្ត្រីពាក់ព័ន្ធជាច្រើនរូប។ ពិធីសំណេះសំណាលដែលប្រកបដោយបរិយាកាសរីករាយ និងស្និទ្ធស្នាលក្រៃលែងនេះ បានប្រព្រឹត្តទៅនាព្រឹកថ្ងៃពុធ ទី១៣ ខែកញ្ញា ឆ្នាំ២០២៣ ដោយមានការលើកឡើងពីបច្ចុប្បន្នភាពមន្ត្រីនៅក្នុងមន្ទីរ លទ្ធផលការងារដែលបានអនុវត្តកន្លងមក បច្ចុប្បន្នភាពការងារដែលកំពុងអនុវត្ត ទិសដៅការងារបន្ត និងសំណូមពរមួយចំនួនផងដែរ។ ឯកឧត្តមបានយកឱកាសនេះ ធ្វេីការសង្កត់ធ្ងន់អំពី​ យុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា ដែលមានអាទិភាពគន្លឹះចំនួន៥ គឺ "មនុស្ស ទឹក ភ្លើង និងបច្ចេកវិទ្យា” ហេីយក្រសួងត្រូវយកចិត្តទុកដាក់ជាសំខាន់ លើការអភិវឌ្ឍធនធានមនុស្ស ដើម្បីបង្កើនប្រសិទ្ធភាពការងារ​ អភិវឌ្ឍហេដ្ឋ​ និងការផ្តល់សេវាសាធារណៈ។ ជាមួយគ្នានេះ ឯកឧត្តមរដ្ឋមន្ត្រូី បានសម្តែងនូវការកោតសរសេីរ ចំពោះការខិតខំប្រឹងប្រែង​ របស់មន្ទីរ ក្នុងការបំពេញការងារជំនាញរបស់ខ្លួន និងបានផ្តល់អនុសាសន៍ឱ្យបន្តថែរក្សា​ ការពារសមិទ្ធផលដែលបានកសាងក្នុងអាណត្តិទី៦​ និងអាណត្តិកន្លងទៅ​ និងត្រូវ​បន្តជំរុញការធ្វេីកំណែទម្រង់​ ព្រមទាំងជំរុញការអភិវឌ្ឍ​ន្ថែមទៀតតាមការដឹកនាំ​ របស់សម្តេចធិបតី​ ហ៊ុន​ ម៉ាណែត​ នាយក នៃព្រះរាជាណាចក្រកម្ពុជា។ បន្ទាប់ពីថ្លែងសំណេះសំណាល និងផ្តល់អនុសាសន៍ល្អៗរួចមក ឯកឧត្តម បានអញ្ជើញជាកិត្តយសចែកសម្ភារ និងផ្លាកសញ្ញាសុវត្ថិភាព ការដ្ឋានថ្នល់ មានមួកការដ្ឋាន​ អាវចំណាំងផ្លាត​ ម៉ាស៊ីនកាត់ស្មៅ និងកៅស៊ូត្រជាក់​ Cold Mix ចំនួន ២០០បាវ ដល់មន្ទីរសម្រាប់ប្រើប្រាស់ក្នុងការជួសជុលថែទាំ ក្នុងដែនសមត្ថកិច្ចរបស់ខ្លួនផងដែរ៕