សារលិខិតចូលរួមរំលែកទុកព្រះរាជមរណទុក្ខ​ សូមទូលថ្វាយ​ ព្រះអង្គម្ចាស់ក្សត្រីយ៍​ នរោត្តម​ ម៉ារី រណឬទ្ធិ​ និងព្រះរាជបុត្រា​ បុត្រី​ ព្រមទាំងព្រះរាជវង្សានុវង្ស​ ក្រោយពីបានទទួលដំណឹងថា​ សម្ដេចក្រុមព្រះនរោត្តម​ រណឬទ្ធិ​ ព្រះប្រធានគណបក្សហ៊្វុនសុិនបុិច​ និងជាព្រះប្រធានក្រុមឧត្តមប្រឹក្សាផ្ទាល់ព្រះមហាក្សត្រទ្រង់បានសោយទិវង្គតកាលពីថ្ងៃទី២៨​ ខែវិច្ឆិកា​ ឆ្នាំ២០២១​ ក្នុងជន្មាយុ​ ៧៧ព្រះវស្សា​ ដោយព្រះរោគាពាធ ស្ថិតក្នុងបរិយាកាសដ៏សែនក្រៀមក្រំនេះ​ ទូលព្រះបង្គំសូមចូលរួមរំលែកព្រះរាជមរណទុក្ខជាមួយ ព្រះអង្គម្ចាស់ក្សត្រីយ៍ជាព្រះជាយា និងព្រះរាជបុត្រា​ បុត្រី​ ព្រមទាំងព្រះរាជវង្សានុវង្សប្រកបដោយអនិច្ចលក្ខណធម៌សង្វេគស្ដាយស្រណោះ អាឡោះអាល័យស្ទើររកទីបំផុតគ្មាន ព្រោះការបាត់បង់ សម្ដេចក្រុមព្រះ នរោត្តម រណឬទ្ធិ គឺជាការបាត់បង់ព្រះរាជឥស្សរជនក្នុងព្រះរាជវង្សដ៏ល្អឆ្នើមមួយអង្គ ដែលទ្រង់បានបំពេញព្រះហឬទ័យស្នេហាជាតិ សាសនា ប្រះមហាក្សត្រ ប្រកបដោយព្រះឆន្ទៈមនសិការមោះមុត និងវាងវៃជាអតិបរមា។