ឯកឧត្តមរដ្ឋលេខាធិការ អៀង វ៉េងស៊ុន ដឹកនាំក្រុមការងារបច្ចេកទេសចុះពិនិត្យវាយតម្លៃនៅទីតាំងផ្ទាល់លើស្ថានភាពសន្តិសុខឋបនីយភណ្ឌផែ តាមកាលវិភាគប្រចាំឆ្នាំ នៅកំពង់ផែក្រុងព្រះសីហនុ ខេត្តព្រះសីហនុ ថ្ងៃព្រហស្បតិ៍ ១៥កើត ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២១ ខែតុលា ឆ្នាំ២០២១ ឯកឧត្តម អៀង វ៉េងស៊ុន រដ្ឋលេខាធិការ ក្រសួងសាធារណការ និងដឹកជញ្ចូន អមដំណើរដោយលោកអគ្គនាយករងទទួលបន្ទុក លោកប្រធាននាយកដ្ឋានរដ្ឋបាលកំពង់ផែ និងមន្ត្រីបច្ចេកទេសជាន់ខ្ពស់នៃអគ្គនាយកនៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ បានអញ្ជើញចុះពិនិត្យទីតាំងផ្ទាល់ និងវាយតម្លៃលើស្ថានភាពសន្តិសុខ ឋបនីយភណ្ឌផែ តាមកាលវិភាគប្រចាំឆ្នាំនៅកំពង់ផែស្វយ័តក្រុងព្រះសីហនុ ខេត្តព្រះសីហនុ។ ការចុះត្រួតពិនិត្យនេះធ្វើឡើងក្នុងគោលបំណង តាមដានសកម្មភាពនៃការអនុវត្តការងាររបស់កំពង់ផែអន្តរជាតិឱ្យបានទាន់វេលាតាមលក្ខខណ្ឌកំណត់ របស់អង្គការសមុទ្រកម្ពុជា និងពិនិត្យសន្តិសុខឋបនីយភណ្ឌផែ និងសុវត្ថិភាពនៃការគ្រប់គ្រងសម្ភារ ក៏ដូចជាចុះជំនួបពិភាក្សាការងារជាមួយភាគីកំពង់ផែអន្តរជាតិ និងក្រុមការងារបច្ចេកទេសដែលជាសមាជិកអង្គការសមុទ្រកម្ពុជា ដេីម្បីធានាបាននូវការដោះស្រាយបញ្ហាបានទាន់ពេលវេលា៕