[Sabay] - គេមានយូរហើយ! រូបភាពស្ពានថ្មើរជើងវែងនៅបរទេស ដែលអ្នកលេង Facebook កម្ពុជាកំពុងរិះគន់
2021-06-23
Go to the website published Sabay
ស្ពានថ្មើរជើងឆ្លងកាត់ផ្លូវ មានមានលក្ខណៈទេរ ហើយវែង ដើម្បីសម្រួលដល់ការដើរ អូសរទេះ និងជនពិការ នៅផ្សារអង្គតាសោម កំពុងក្លាយជាប្រធានបទក្ដៅពីសំណាក់អ្នកលេង Facebook នៅកម្ពុជា។
ក្រោយក្រសួងសាធារណការ និងដឹកជញ្ជូនបានបញ្ចេញរូបថតប៉ុន្មានសន្លឹកលើផេកផ្លូវការស្ដីពីវឌ្ឍនភាពនៃការសាងសង់ស្ពានថ្មើរជើងនោះ ស្រាប់តែមានការចែករំលែកជាច្រើននៅលើ Facebook ទាំងអ្នកគាំទ្រ និងអ្នករិះគន់។ ចំណុចដែលពួកគេរិះគន់មានដូចជាដោយសារស្ពាននេះធ្វើវែងពេក គឺវែងជាងការដើរឆ្លងកាត់ផ្លូវដល់ទី៣ដង។
ខ្លះរិះគន់ថា ការសង់ស្ពានបែបនេះចំណាយថវិកាច្រើន ព្រោះគ្មាននរណាចង់ឆ្លងស្ពានដ៏វែងបែបនេះទេ។ សម្រាប់អ្នកគាំទ្រវិញ លើកហេតុផលផ្សេងៗគ្នាថា ស្ពាននេះវែង ដោយសារការសាងសង់មានលក្ខណៈទេរ មិនចោតងាយស្រួលដល់ការអូសឥវ៉ាន់ រទេះតូចៗឆ្លងដោយសារក្បែរនោះជាតំបន់ផ្សារលក់ដូរ។
អ្នកគាំទ្រលើកហេតុផលផ្សេងៗថា ការសាងសង់ទេរបែបនេះ ក៏ងាយស្រួលក្នុងការឡើងរបស់មនុស្សចាស់ផងដែរ ដោយសារមិនចោតខ្លាំង ដូចស្ពានដទៃដែលពិបាកឡើង។ យ៉ាងណាស្ពានថ្មើរជើងឆ្លងផ្លូវលក្ខណៈវែងៗបែបនេះមិនមែនតែនៅកម្ពុជានោះទេ ជាក់ស្ដែងនៅតាមបណ្ដាប្រទេសនានា បានសាងសង់រួចទៅហើយ ខ្លះអនុញ្ញាតឲ្យមានការបណ្ដើរកង់ឡើងឆ្លងកាត់ស្ពាននេះថែមទៀត ដោយសារភាពមិនសូវចោតរបស់វា។
