(ភ្នំពេញ) ៖ យោងតាមការចេញសេចក្តីជូនដំណឹងរបស់ក្រសួងសាធារ ដែលអង្គភាពសារព័ត៌មាន Sky News ទទួលបានដោយបានបញ្ជាក់ថា៖ យានយន្តណាដែលបន្តការដឹកជញ្ជួនលើសកំណត់លើសពី២០ភាគរយ នឹងត្រូវគេដកបណ្ណបើកបរនិងព្យូរ ការធ្វើអាជីវកម្មរយៈពេល២ឆ្នាំ និងឃាត់ទុកយានយន្តរយៈពេល១ឆ្នាំដោយការរក្សាទុកយានជំនិះនោះនៅទី តាំងសមស្របណាមួយ។ ការអនុវត្តលើយានយន្តដែលបន្តការដឹកជញ្ជូនលើសកំណត់នេះ ត្រូវក្រសួងសាធារការបានបញ្ជាក់បន្ថែមថា៖ គឺចាប់ផ្តើមអនុវត្តតាំងពីថ្ងៃច័ន្ទទី១៦វិច្ឆិកានេះទៅ ហើយម្ចាស់យានយន្តនោះ ត្រូវទទួលខុសត្រូវលើការលើកដាក់ទំនិញ និងបង់ថ្លៃឈ្នួលកន្លែងទុកដាក់ថែទាំទំនិញ និងយានជំនិះ ដោយខ្លួនឯង, បញ្ឈប់អាជីវកម្មដឹកជញ្ជូនរបស់ក្រុមហ៊ុន១ឆ្នាំ ក្នុងករណីទទួលរងនូវការផាកពិន័យអន្តរការណ៍ ម្ដងរួចហើយប៉ុន្តែ នៅតែបន្តប្រព្រឹត្តល្មើសទៀត។ សេចក្តីជូនដំណឹងរបស់ក្រសួងសាធារណការបានបញ្ជាក់បន្តថា៖ ការដាក់ពិន័យនេះ គឺដើម្បីពង្រឹងការ អនុវត្តបទប្បញ្ញត្តិនៃច្បាប់ស្តីពីផ្លូវថ្នល់ ស្ពាន និងសំណង់សិល្បការ្យផ្លូវថ្នល់ឲ្យបានជាប់រឹងមាំ គង់វង្សនិងធន់ជាប់ តាមអាយុកាលបច្ចេកទេសសាងសង់។ រដ្ឋមន្ត្រីក្រសួងសាធារណការនិងដឹកជញ្ជូន លោកស៊ុនចាន់ថុល បានបញ្ជាក់ថា ការដឹកជញ្ជូនលើសកម្រិតទម្ងន់ កំណត់ គឺជាការបំផ្លាញផ្លូវដែលជាញើសឈាមរបស់រាជរដ្ឋាភិបាលខិតខំស្វែងរកដើម្បីការបំរើប្រជាពលរដ្ឋ៕