ថ្ងៃអាទិត្យ ១១រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២២ ខែធ្នូ ឆ្នាំ២០១៩ ឯកឧត្តមទេសរដ្ឋមន្ត្រី ស៊ុន ចាន់ថុល និងថ្នាក់ដឹកនាំក្រសួង បានអញ្ជើញចូលរួមគោរពវិញ្ញាណក្ខន្ធសព លោកសាស្ត្រាចារ្យវេជ្ជបណ្ឌិត វូគឹមប៉ោរ ដែលបានទទួលមរណភាព កាលពីថ្ងៃសុក្រ ៩រោច ខែមិគសិរ ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២០ ខែធ្នូ ឆ្នាំ២០១៩ វេលាម៉ោង ៥:១៥នាទីព្រឹក ក្នុងជន្មាយុ ៨៨ឆ្នាំ ដោយជរាពាធ។ មរណភាពរបស់លោកសាស្ត្រាចារ្យវេជ្ជបណ្ឌិត វូ គឹមប៉ោរ គឺជាការបាត់បង់នូវឪពុកបង្កើត ឪពុកក្មេក និងជីតាជាទីគោរព ស្រឡាញ់ដ៏ជ្រាលជ្រៅរបស់ក្រុមគ្រួសារ ដែលប្រកបដោយព្រហ្មវិហារធម៌ និងសណ្តោសប្រោសប្រណីចំពោះកូនចៅទាំងអស់។ សូមឧទ្ទិសបួងសួងដល់វត្ថុស័ក្តិសិទ្ធទំាងអស់ ជួយលើកស្ទួយដួងវិញ្ញាណក្ខន្ធរបស់លោកសាស្ត្រាចារ្យវេជ្ជ បណ្ឌិត វូ គឹមប៉ោរ បានសោយសុខក្នុងសុគតិភពជានិច្ចនិរន្តន៍ ហើយយើងទំាងអស់គ្នាត្រូវខិតខំប្រព្រឹត្តិនូវ អំពើល្អ ធ្វើបុណ្យ ដាក់ទាន រួមកម្លំាងគ្នារក្សានូវសុខសន្តិភាព ស្ថេរភាពនយោបាយ ដើម្បីធ្វើការអភិវឌ្ឍ ប្រទេសជាតិរបស់យើងឲ្យមានការរីកចម្រើនគ្រប់វិស័យទាំងអាណាចក្រ និងពុទ្ធចក្រ ក្រោមការដឹកនាំ របស់សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕