ផ្លូវជាតិ ៣ខ្សែ (ផ្លូវជាតិលេខ៣១ លេខ៣៣ និងលេខ៤១) ប្រវែងសរុប ២០១,៣៦គ.ម ភាគនិរតីនៃប្រទេស ដែលបានសាងសង់រួចរាល់ជាស្ថាពរ នឹងត្រូវសម្ពោធដាក់ឱ្យប្រើប្រាស់ជាផ្លូវការ នៅព្រឹកថ្ងៃទី២៩ ខែមេសា ឆ្នាំ២០២៥ស្អែកនេះហើយ ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។ ផ្លូវជាតិទាំង ៣ខ្សែនោះ រួមមាន៖ ១). ផ្លូវជាតិលេខ៣១ ប្រវែងសរុប ៥៣,៥៤ គ.ម ចាប់ពីចំណុចបែកគុស (ផ្លូវជាតិលេខ៣) ដល់កំពង់ត្រាច (ផ្លូវជាតិលេខ៣៣) ជាប្រភេទបេតុងកៅស៊ូ AC (កម្រាស់៧ ស.ម) ទទឹង១២ម៉ែត្រ ២). ផ្លូវជាតិលេខ៣៣ ប្រវែងសរុប ៥២,៥៧គ.ម ចាប់ពីខេត្តកំពត (ចំណុចប្រសព្វផ្លូវជាតិលេខ៣) ដល់ច្រកលក (ព្រំដែនកម្ពុជា-វៀតណាម) ជាប្រភេទបេតុងកៅស៊ូ AC (កម្រាស់៧ ស.ម) ទទឹង១២ម៉ែត្រ ៣). ផ្លូវជាតិលេខ៤១ ប្រវែងសរុប ៩៥,២៧គ.ម ចាប់ពីថ្នល់ទទឹង (ចំណុចប្រសព្វផ្លូវជាតិលេខ៤) ដល់ជុំគិរី (ចំណុចប្រសព្វផ្លូវជាតិលេខ៣) ជាប្រភេទបេតុងកៅស៊ូ AC (កម្រាស់៥ ស.ម) ទទឹង ១១ម៉ែត្រ។