សិក្ខាសាលាពិគ្រោះយោបល់ស្ដីពី«សេចក្តីព្រាងគោលការណ៍ណែនាំស្តីពីគុណភាពសេវាសាធារណៈក្នុងវិស័យសាធារណការ និងដឹកជញ្ជូន» ទីស្តីការក្រសួង៖នាថ្ងៃអង្គារ ទី១៧ ខែធ្នូ ឆ្នាំ២០២៤ ឯកឧត្តម សឿន ប៊ុនលី អគ្គនាយក នៃអគ្គនាយកដ្ឋានផែនការ និងគោលនយោបាយ បានអញ្ជើញជាអធិបតីក្នុងពិធីបើកសិក្ខាសាលាពិគ្រោះយោបល់ ស្ដីពី «សេចក្តីព្រាងគោលការណ៍ណែនាំស្តីពីគុណភាពសេវាសាធារណៈក្នុងវិស័យសាធារណការ និងដឹកជញ្ជូន» ដោយមានការអញ្ជើញចូលរួមពីលោក លោកស្រី ដែលជាសិក្ខាកាមមកពីអង្គភាពរដ្ឋបាលកណ្តាល និងមន្ទីរសាធារណការ និងដឹកជញ្ជូនទាំង២៥ រាជធានី-ខេត្ត ក្រោមឱវាទក្រសួង សរុបប្រមាណ ១៥០រូប។ សិក្ខាសាលានេះត្រូវបានរៀបចំឡើងក្នុងគោលបំណងដើម្បីប្រមូលធាតុចូលនូវព័ត៌មាន ទិន្នន័យ យន្តការអនុវត្ត ព្រមទាំងសិក្សាបញ្ហាប្រឈមនានាពាក់ព័ន្ធការងារផ្តល់សេវាសាធារណៈ ដើម្បីជាមូលដ្ឋានក្នងការរៀបចំគោលការណ៍ណែនាំរួមស្តីពីគុណភាពសេវាសាធារណៈក្នុងវិស័យសាធារណការ និងដឹកជញ្ជូន។ ថ្លែងក្នុងកម្មវិធីបើកសិក្ខាសាលានេះ ឯកឧត្ដមអគ្គនាយក បានគូសរំលេចថា ការរៀបចំគោលការណ៍ណែនាំនេះមានសារៈសំខាន់គឺ ១).ពង្រឹងគុណភាពសេវាសាធារណៈ និងអភិបាលកិច្ចល្អរបស់ក្រសួង ២).បង្កើនប្រសិទ្ធភាពការផ្តល់សេវាសាធារណៈតាមរយៈយន្តការលើកទឹកចិត្តអង្គភាពផ្តល់សេវាសាធារណៈគំរូ ៣).កសាងបទដ្ឋានគតិយុត្ត និងស្តង់ដាររួម ក្នុងការកែលំអគុណភាពសេវាសាធារណៈ និង ៤). ប្រជាពលរដ្ឋទទួលបាននូវសេវាសាធារណៈប្រកបដោយគុណភាព និងមានការពេញចិត្តរបស់អ្នកប្រើប្រាស់សេវា ធានាបាននៅភាពស្អាតស្អំរបស់ក្រសួង៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube