តើអ្នកដឹងទេគំនូសសញ្ញាទាំង២នេះ មានន័យយ៉ាងដូចម្តេច? ១. គំនូសសញ្ញាព្រួញទៅមុខត្រង់ និងបត់ឆ្វេង (TURN LEFT AND STRAIGTH ARROW)៖ គំនូសសញ្ញាព្រួញពណ៌ស ទៅមុខត្រង់ និងបត់ឆ្វេង ប្រើសម្រាប់ឱ្យអ្នកបើកបរដឹងថា នៅត្រង់ផ្លូវប្រសព្វខាងមុខ គន្លងផ្លូវនេះសម្រាប់ធ្វើចរាចរទៅមុខត្រង់ និងបត់ទៅឆ្វេងតែប៉ុណ្ណោះ។ ២. គំនូសសញ្ញាព្រួញទៅមុខត្រង់ (STRAIGTH ARROW)៖ គំនូសសញ្ញាព្រួញពណ៌ស ទៅមុខត្រង់ ប្រើសម្រាប់ឱ្យអ្នកបើកបរដឹងថា នៅត្រង់ផ្លូវប្រសព្វខាងមុខ គន្លងផ្លូវនេះសម្រាប់ធ្វើចរាចរទៅមុខត្រង់តែប៉ុណ្ណោះ។ ទន្ទឹមនឹងនេះ ក្រសួងសូមស្នើសុំការសហការពីបងប្អូនប្រជាពលរដ្ឋ ក្នុងការរាយការណ៍តាមរយៈកម្មវិធីថែទាំផ្លូវ ( ROAD CARE Mobile App) ករណីឃើញមានគំនូសសញ្ញាចរាចរណ៍រលុប ឬផ្លាកសញ្ញាមានការបាក់បែក ដើម្បីអាចឱ្យមន្រ្តីជំនាញ ឬមន្ត្រីពាក់ព័ន្ធធ្វើការត្រួតពិនិត្យ និងចាត់វិធានការ។ ::: ទាញយក និងដំឡើងកម្មវិធី ROAD CARE Mobile App ដោយឥតគិតថ្លៃពី៖ - App Store: roadcare.mpwt.gov.kh/ios - Play Store: roadcare.mpwt.gov.kh/android ::: គេហទំព័រហ្វេសប៊ុកផ្លូវការរបស់កម្មវិធីថែទាំផ្លូវ ROAD CARE Mobile App តំណភ្ជាប់៖ https://www.facebook.com/roadCareMobileApp