ញត្តិគាំទ្រ របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន លើសាលក្រមសម្រេចរបស់ សាលាដំបូងរាជធានីភ្នំពេញ ជុំវិញករណីរឿងក្បត់ជាតិរបស់លោក កឹម សុខា ដែលបានធ្វើសន្ទិដ្ឋិភាពជាមួយបរទេស ឬ ឃុបឃិតត្រូវរ៉ូវគ្នាជាមួយបរទេស ក្រុមការងារ ស.ស.យ.ក វិស័យសាធារណការ និងដឹកជញ្ជូន សូមប្រកាសជាឱឡារិកគាំទ្រនូវសាលក្រមព្រហ្មទណ្ឌ ចុះថ្ងៃទី០៣ ខែមីនា ឆ្នាំ២០២៣ ក្នុងសំណុំរឿងសន្ទិដ្ឋិភាពជាមួយបរទេសរបស់លោក កឹម សុខា ដោយផ្អែកលើការពិនិត្យអង្គហេតុ “បទសន្ទិដ្ឋិភាពជាមួយបរទេស ឬ បទឃុបឃិតត្រូវរ៉ូវគ្នាជាមួយបរទេស ក្នុងការរៀបចំផែនការសម្ងាត់ផ្តួលរំលំរាជរដ្ឋាភិបាលស្របច្បាប់ នៃព្រះរាជាណាចក្រកម្ពុជា” និង ភស្តុតាងនានាដែលបានដាក់ជូនតុលាការ ព្រមទាំងអង្គហេតុ និងសេចក្តីសន្និដ្ឋានរបស់ភាគីទាំងអស់ រួមផ្សំជាមួយអង្គច្បាប់នៃព្រះរាជាណាចក្រកម្ពុជា ដែលត្រូវផ្តន្ទាទោសតាមបញ្ញត្តិមាត្រា៤៣៩ និងមាត្រា៤៤៣ នៃក្រមព្រហ្មទណ្ឌ។ យើងខ្ញុំទាំងអស់គ្នា ក្នុងនាមជាប្រជាពលរដ្ឋខ្មែរ សូមប្រកាសគាំទ្រយ៉ាងពេញទំហឹង នូវការអនុវត្តចំណាត់ការផ្លូវច្បាប់ សំដៅពង្រឹងនីតិរដ្ឋ ឯករាជ្យជាតិ និងអធិបតេយ្យជាតិ ប្រឆាំងនឹងការជ្រែតជ្រែកពីសំណាក់បរទេស ចូលកិច្ចការផ្ទៃក្នុងរបស់កម្ពូជា ជាដាច់ខាត។ យើងខ្ញុំសូមសម្តែងនូវភក្តីភាព គាំទ្រឥតងាករេ ចំពោះគោលនយោបាយដ៏ត្រឹមត្រូវរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា៕