[Technology Cambodia] - កាន់តែទំនើប! កម្ពុជាជិតមានរថភ្លើងអគ្គិសនីល្បឿនលឿន ប្រើហើយ ខណ:ក្រុមហ៊ុនមួយនេះកំពុងសិក្សា
2023-01-24
ទៅកាន់ទំព័រចុះផ្សាយក្នុង Technology Cambodia
នេះជាគម្រោងផ្លូវដែក តម្លៃ ៤ពាន់លានដុល្លារ ដ៏ធំមួយដែលមិនធ្លាប់មានពីមុនមក ដែលកម្ពុជាកំពុងជម្រុញការសិក្សារលើការសាងសង់ផ្លូវរថភ្លើងល្បឿនលឿនដំបូងគេបង្អស់នៅស្រុកខ្មែរ ។
បើយោងតាមការចេញផ្សាយពីក្រសួងសាធារណការ និងដឹកជញ្ជូន បានឲ្យដឹង នៅថ្ងៃនេះថា ផ្លូវរថភ្លើងល្បឿនលឿនពីភ្នំពេញទៅ ប៉ោយប៉ែត ត្រូវបានស្ថិតក្នុងគម្រោងសិក្សារនៅឡើយ ដោយក្រុមហ៊ុនសាជីវកម្មស្ពាន និងថ្នល់ចិន ហៅកាត់CRBC ជាអ្នកទទួលគម្រោងសាងសង់ផ្លូវដែក ដែលមានប្រវែង ៣៨២គ.ម គិតជាទឹកប្រាក់ប្រមាណ ៤ពាន់លានដុល្លារ។ជាមួយគ្នានេះដែរ សម្រាប់ផ្លូវរថភ្លើងពីភ្នំពេញ-ប៉ោយប៉ែត នេះគឺជាផ្លូវដែកល្បឿនលឿនដំបូងគេនៅប្រទេសកម្ពុជា ដែលផ្តោតសំខាន់ជាចម្បងលើសេវាដឹកជញ្ជូនអ្នកទេសចរណ៍ ឬអ្នកដំណើរ ជាពិសេសគឺដើម្បីដឹកទំនិញឆ្លងប្រទេស រវាងកម្ពុជានឹងថៃឲ្យកាន់តែមានភាពងាយស្រួលនឹងឆាប់រហ័ស ។
បន្ថែមលើពីនេះខ្សែរថភ្លើងនេះក៏បានជួយដល់លើការដឹកជញ្ជូនអ្នកដំណើរ និងទំនិញតាមខ្សែបណ្ដោយ ពីរាជធានីភ្នំពេញ ទៅក្រុងប៉ោយប៉ែត ដោយឆ្លងកាត់ខេត្តកណ្តាល កំពង់ឆ្នាំង ពោធិសាត់ បាត់ដំបង និងខេត្តបន្ទាយមានជ័យផងដែរ។
យ៉ាងណាមិញ សម្រាប់គម្រោងផ្លូវដែកប្រវែង ៣៨២ គម ត្រូវបានវិនិយោគជាទឹកប្រាក់ប្រមាណជាង ៤ពាន់លានដុល្លារ ដោយបានរួមបញ្ចូលរថភ្លើងទាំងមូល ក្បាល និងទូរថភ្លើង ក៏ដូចជាការចំណាយលើដំណើរការសាងសង់ទាំងអស់ រយ:ពេល ៤ឆ្នាំពេញ។អ្វីដែលពិសេសសម្រាប់ផ្លូវរថភ្លើងនេះ គឺថារថភ្លើងអាចរត់លើផ្លូវដែកទទឹង 1.635ម៉ែត្រ ក្នុងល្បឿនលឿនបំផុត ១៦០គ.ម/ម៉ ឯណោះ អ៊ីចឹងបើទូទៅបើអ្នកទាំងអស់ជិះឡានក្រុងពីភ្នំពេញ-ប៉ោយប៉ែត យ៉ាងហោចណាស់ក៏ប្រើពេល ៧ ទៅ ៨ ម៉ោងដែរ ប៉ុន្តែសម្រាប់ការជិះរថភ្លើងនេះ ជួយកាត់បន្ថយពេលមកត្រឹមតែជាង ២ម៉ោងប៉ុណ្ណោះ។ លើសពីនេះ តាមបណ្ដោយផ្លូវរថភ្លើងល្បឿនលឿន ក៏មានស្ថានីយចំនួន ៣៣កន្លែង ដោយផែនការរយ:ពេលខ្លី ១៩កន្លែងនិងផែនការរយ:ពេលវែងនឹងសាងសង់ ១៤កន្លែងបន្ថែមទៀត។ ហើយដើម្បីបញ្ចៀសគ្រោះថ្នាក់ចរាចរណ៍ត្រង់ចំណុចប្រសព្វជាមួយផ្លូវថ្នល់ ខាងក្រុមហ៊ុន និងរដ្ឋាភិបាលកម្ពុជាបានសម្រេចចិត្ត សាងសង់ផ្លូវអាកាសរំលងកាត់ទទឺងផ្លូវប្រមាណ ៣០០កន្លែងឯណោះ ។
គួរជំរាបផងដែរថា សម្រាប់ផ្លូវរថភ្លើងពីភ្នំពេញទៅប៉ោយប៉ែតឆ្លងកាត់ខេត្ត៥ នេះត្រូវបានផ្តល់សិទ្ធអនុញ្ញាតក្នុងការសិក្សាពីក្រសួងសាធារណការ និងដឹកជញ្ជូន កាលពីថ្ងៃទី០៦ ខែមករា ឆ្នាំ២០២២ កន្លងទៅ ហើយគម្រោងមួយនេះដែរនឹងត្រូវសាងសង់ឲ្យបានហើយត្រឹមរយ:ពេល ៤ឆ្នាំ គិតចាប់ពីថ្ងៃបើកការដ្ឋានសាងសង់។
