[Technology Cambodia] - ឱកាសមានតែ១ថ្ងៃទេ! សិស្ស-និស្សិត មានបំណងរកសាលាដើម្បីសិក្សាបន្ត អាចចូលព្រឹត្តិការណ៍រៀបចំដោយក្រសួងបាន
2023-01-11
ទៅកាន់ទំព័រចុះផ្សាយក្នុង Technology Cambodia
ជំរាបជូនដល់ សិស្ស-និស្សិតទាំងអស់ដែលបានប្រឡងចប់ថ្នាក់ទី១២ ដែលមានបំណងចង់ស្វែងរកនូវគ្រឹះស្ថានឧត្តមសិក្សារសម្រាប់បន្តសិក្សា អាចមកចូលរួមក្នុងព្រឹត្តិការណ៍«TSI OPEN DAY» របស់វិទ្យាស្ថានតេជោសែន សាធារណការ និងដឹកជញ្ជូនបានដោយសេរី។
យោងតាមការចេញផ្សាយពីក្រសួងសាធារណការ និងដឹកជញ្ជូនការ បានឲ្យដឹងថា វិទ្យាស្ថានតេជោសែន សាធារណការ និងដឹកជញ្ជូន បានបង្កើតព្រឹត្តិការណ៍ «TSI OPEN DAY» ដើម្បីទទួលបាននូវការតម្រង់ទិសជំនាញ ការចែករំលែកបទពិសោធន៍ពីនិស្សិត ទស្សនកិច្ចអគារសិក្សា បរិក្ខាបច្ចេកទេស ព័ត៌មានអាហារូបករណ៍ ការដាក់ពាក្យប្រឡងជ្រើសរើសនិស្សិតជំនាន់ទី៣ និងសិក្សាស្វែងយល់ពីឱកាសការងារទៅតាមជំនាញនីមួយ នៃវិស័យសាធារណការ និងដឹកជញ្ជូន។
អាស្រ័យហេតុនេះ សូមអំពាវនាវដល់ដល់ថ្នាក់ដឹកនាំ មន្ត្រីរាជការ សាធារណជន មាតាបិតា អាណាព្យាបាល សិស្ស-និស្សិតទាំងអស់ដែលមានចម្ងល់ខាងលើអាចមកអញ្ចើញចូលរួមដោយសេរីក្នុងកម្មវិធី ។
បញ្ជាក់សម្រាប់ព្រឹត្តិការណ៍ «TSI OPEN DAY» ដែលធ្វើឡើងនៅ វិទ្យាស្ថានតេជោសែន សាធារណការ និងដឹកជញ្ជូន មានរយ:ពេលតែ១ថ្ងៃប៉ុណ្ណោះ គឺកម្មវិធីនេះនឹងប្រព្រឹត្តទៅនៅថ្ងៃទី១៤ ខែមករា ឆ្នាំ២០២៣ នៅវិទ្យាស្ថានតេជោសែនសាធារណការ និងដឹកជញ្ជូន៕
