ក្រសួងសាធារណការ៖ សកម្មភាពអនុវត្តគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ គិតត្រឹមពាក់កណ្តាលខែធ្នូនេះ ការងារសរុបសម្រេចបានប្រមាណ១៧,៥% ក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួង មន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ ប្រធានមន្ទីរសាធារណការ និងដឹកជញ្ជូនខេត្តសៀមរាប និងក្រុមការងារគម្រោង ចុះពិនិត្យសកម្មភាពអនុវត្តគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ដែលគិតមកដល់ត្រឹមពាក់កណ្តាលខែធ្នូ ឆ្នាំ២០២២នេះ ឯកឧត្តម រស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញដឹកនាំគណ:ប្រតិភូក្រសួង មន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ ប្រធានមន្ទីរសាធារណការ និងដឹកជញ្ជូនខេត្តសៀមរាប និងក្រុមការងារគម្រោង ចុះពិនិត្យសកម្មភាពអនុវត្តគម្រោងលើកកម្ពស់ការផ្គត់ផ្គង់ទឹកស្អាត និងអនាម័យ (WaSSIP) ដែលគិតមកដល់ត្រឹមពាក់កណ្តាលខែធ្នូ ឆ្នាំ២០២២នេះ វឌ្ឈនភាពការងារសរុបសម្រេចបានប្រមាណ១៧,៥%ហើយ។ ឮនៅ ថ្ងៃទី២០ ខែធ្នូ ឆ្នាំ២០២២ ក្រោយពីបានស្តាប់របាយការណ៍ផ្ទាល់នៅនឹងទីតាំងគម្រោងស្ថានីយ៍ប្រព្រឹត្តកម្មទឹកកខ្វក់ (WWTP) ពីតំណាងក្រុមហ៊ុនសាងសង់ WiVASEEN និងទីប្រឹក្សាគម្រោងCTI Engineering ឯកឧត្តមរដ្ឋលេខាធិការ បានបន្តដំណើរចុះពិនិត្យទីតាំងសាងសង់ប្រព័ន្ធលូ និងតាមបណ្តាទីតាំងអនុវត្តគម្រោងមួយចំនួនទៀតដូចជាទីតាំងឃ្លាំងស្តុកទុកដាក់បរិក្ខារលូ ទីតាំងចាក់ពុម្ពអណ្តូងលូ គម្របលូ និងស្ថានីយបូមថ្មីមួយកន្លែង។ សូមជម្រាបជូនថាការអនុវត្តគម្រោងនេះក៏បានជួបប្រទះនឹងបញ្ហាប្រឈមមួយចំនួនផងដែរទាក់ទងនឹងការផ្គត់ផ្គង់សម្ភារៈដូចជាខ្សែកាប ខ្សែទូរសព្ទ ខ្សែភ្លើង ព្រមទាំងបណ្តាញបំពង់លូទឹកស្អាត និងលូទឹកភ្លៀងពីភាគីពាក់ព័ន្ធ៕