អបអរសាទរ ពិធីបិទព្រឹត្តិការណ៍ប្រកួតកីឡាជាតិលើកទី៣ និងកីឡាជនពិការជាតិលើកទី១ ពហុកីឡដ្ឋានជាតិមរតកតេជោ៖ សមាជិក សមាជិកា ក្រុមការងារ ស.ស.យ.ក វិស័យសាធារណការ និងដឹកជញ្ជូន ចំនួន ២០ រូប បានចូលរួមពិធីបិទព្រឹត្តិការណ៍ប្រកួតកីឡាជាតិលើកទី៣ និងកីឡាជនពិការជាតិលើកទី១ ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃទី៣០ ខែវិច្ឆិកា ឆ្នាំ២០២២ ដោយកម្មវិធីនេះក៏មានការចូលរួមពីយុវជន និងសាធារណៈជន ប្រមាណ៥ម៉ឺននាក់ ផងដែរ។ សូមបញ្ជាក់ជូនថា ព្រឹត្តិការណ៍នេះត្រូវបានរៀបចំឡើងរយៈពេល១០ថ្ងៃ គឺចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២ និងមានការចូលរួមពីក្រុមកីឡាករ គ្រប់រាជធានី ខេត្ត ព្រមទាំងតាមក្រសួង-ស្ថានប័នមួយចំនួនផងដែរ។ ព្រឹត្តិការណ៍នេះមានគោលបំណងដើម្បីត្រៀមលក្ខណៈឆ្ពោះទៅកាន់ព្រឹត្តិការណ៍កីឡាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះ នៅឆ្នាំ២០២៣ខាងមុខនេះ៕