[Kampucheathmey] - បញ្ជាក់ពីរដ្ឋមន្រ្តី ផ្លូវជាតិលេខ ២ ទៅតាកែវ ត្រូវពន្យារពេលសាងសង់បញ្ចប់ម្តងទៀត
2022-10-27
ទៅកាន់ទំព័រចុះផ្សាយក្នុង Kampucheathmey
ផ្លូវជាតិលេខ ២ និង ២២ ដែលសាងសង់ដោយក្រុមហ៊ុនហាន់ស៊ីនរបស់កូរ៉េ ត្រូវពន្យារពេលម្តងទៀត ខណៈក្រុមហ៊ុនស្នើសុំបញ្ចប់រហូតដល់ខែ ៥ ឆ្នាំ ២០២៣។
លោករដ្ឋមន្រ្តី ស៊ុន ចាន់ថុល បានថ្លែងទាំងមិនសប្បាយចិត្តចំពោះការពន្យារពេលម្តងហើយម្តងទៀត របស់ក្រុមហ៊ុនសាងសង់មួយនេះ។
“ក្រុមហ៊ុនយឺតយ៉ាវ ដំបូងសន្យានឹងបញ្ចប់នៅខែ ៨ ឆ្នាំ ២០២២ រហូតថ្ងៃ ២៧ ខែ ១០ ឆ្នាំ ២០២២ នៅមិនទាន់ចប់នៅឡើយ។ ក្រុមហ៊ុនស្នើសុំម្តងទៀតរហូតដល់ខែ ៥ ឆ្នាំ ២០២៣។ ក្រសួងកំពុងពិនិត្យពិចារណា តើការពន្យារពេលនេះសមស្របតាមបច្ចេកទេសឬទេ?”នៅចំពោះមុខក្រុមហ៊ុនទទួលខុសត្រូវសាងសង់ លោករដ្ឋមន្រ្តីបញ្ជាក់នៅក្នុងជំនួបថ្មីៗនេះម្តងទៀតថា ក្រសួងនឹងមិនទទួលយកផ្លូវគ្មានគុណភាពនោះទេ។ ក្រសួងប្រកាន់គោលការណ៍មិនយកផ្លូវធ្វើមុខខូចក្រោយ ចាក់ក្រាស់ស៊ីស្តើងទៀតទេ៕
