[Kampucheathmey] - ឆៀកចល័ត នៅខេត្តចំនួន ៤ កំពុងបន្តផ្តល់សេវាជូនពលរដ្ឋរហូតដល់ថ្ងៃទី ១៤ តុលា
2022-10-12
ទៅកាន់ទំព័រចុះផ្សាយក្នុង Kampucheathmey
ក្រសួងសាធារណការ និងដឹកជញ្ជូន បានប្រកាសនៅព្រឹកនេះថា ឆៀកចល័ត នៅខេត្តឧត្តរមានជ័យ តាកែវ កំពត និងព្រៃវែង កំពុងបន្តផ្តល់សេវាជូនប្រជាពលរដ្ឋរហូតដល់ថ្ងៃទី ១៤ ខែតុលា ឆ្នាំ ២០២២។យោងតាមទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន បានឲ្យដឹងថា សេវាត្រួតពិនិត្យលក្ខណៈបច្ចេកទេសយានជំនិះ(ឆៀក)ចល័ត កំពុងដំណើរការជូនប្រជាពលរដ្ឋ នៅខេត្តឧត្តរមានជ័យ តាកែវ កំពត ព្រៃវែង ចាប់ពីថ្ងៃទី ១០ ដល់ ទី ១៤ ខែតុលា ឆ្នាំ ២០២២។ក្រសួងសាធារណការ និងដឹកជញ្ជូន បានអំពាវនាវដល់ម្ចាស់យានយន្តទាំងអស់ សូមយករថយន្តទៅធ្វើការត្រួតពិនិត្យលក្ខណៈបច្ចេកទេសយានជំនិះ (ឆៀក) តាមកាលកំណត់ខាងលើកុំបីខាន៕
