កំពង់ឆ្នាំង៖ អាជ្ញាធបានប្រកាសផ្អាកចរាចរណ៍ជាបណ្តោះអាសន្នលើកំណាត់ផ្លូវជាតិលេខ៥ ចំណុចចន្លោះគីឡូម៉ែត្រ ៤០-៤១ ស្ពានក្រាំងពន្លៃ ព្រំប្រទល់រវាងស្រុកឧត្តុង្គ ខេត្តកំពង់ស្ពឺ និងស្រុកសាមគ្គីមានជ័យ ខេត្តកំពង់ឆ្នាំង បន្ទាប់ពីទឹកបានជន់លិច និងហូរកាត់ដងផ្លូវ។ គួរបញ្ជាក់ថា នៅវេលាម៉ោង៥ព្រឹក ព្រលឹមថ្ងៃទី២២ ខែកក្កដា ឆ្នាំ២០២២នេះ ទឹកស្ទឹងក្រាំងពន្លៃ បានជន់លិច និងហូរកាត់ផ្លូវជាតិលេខ៥ ព្រំប្រទល់រវាងស្រុកឧត្តុង្គ ខេត្តកំពង់ស្ពឺ និងស្រុកសាមគ្គីមានជ័យ ខេត្តកំពង់ឆ្នាំង(ចំណុចរូបសំណាកព្រះគោព្រកែវ)។ ការជន់លិចនេះ ដោយសារការបើកទម្លាក់ទឹកចេញពីអាងទឹកទំនប់អន្លង់ជ្រៃ ក្រោយភ្លៀងច្រើនជាប់ៗគ្នានៅតាមតំបន់ភ្នំរួចមក៕