នាព្រឹកថ្ងៃចន្ទ ២កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី០២ ខែឧសភា ឆ្នាំ២០២២ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ ដឹកនាំ ប្រធាន អនុប្រធានមន្ទីរ អង្គភាពពាក់ព័ន្ធ និងលោកអភិបាលក្រុងព្រះសីហនុ ចុះពិនិត្យវឌ្ឍន ភាពការអនុវត្តគម្រោងអភិវឌ្ឍន៍ខេត្តព្រះសីហនុ ឆ្នាំ២០២២ នៅក្នុងភូមិសាស្ត្រសង្កាត់លេខ៤ និងសង្កាត់លេខ៣ ក្រុងព្រះសីហនុ។ ឯកឧត្តម គួច ចំរើន អភិបាលខេត្តព្រះសីហនុនិងមន្ត្រីមន្ទីរ អង្គភាពជំនាញ អញ្ជើញចុះពិនិត្យប្រព័ន្ធលូ ស្ពានចំនួន ៦កន្លែង នៅក្នុងសង្កាត់លេខ៤ និងលេខ៣ ក្នុងនោះ មាន៖ ១. ស្ពានអូស្តេចមឹក និងលូតាមបណ្តោយផ្លូវ ៥០៧ឆ្ពោះមកឆ្នេរអូរឈើទាល បន្តពិនិត្យ ស្ថានីយបូមទឹកកខ្វក់ទី៤ បញ្ចេញទៅអាងចម្រោះ ១៦ហិកតា នៅចុងឆ្នេរអូរឈើទាល។ ២.ពិនិត្យលូផ្លូវ ៣០១ និងលូប្រអប់ផ្លូវ ៨១៤៥ ស្ថិតនៅភូមិ៥ សង្កាត់៤ ដើម្បីរំដោះជំនន់ ទឹកភ្លៀងនៅម្តុំអង្គការម្លប់តាប៉ាង។ ៣.ពិនិត្យស្ពានអូរ២, ៤.ស្ពានផ្លូវលេខ៨១០ ដើម្បីរំដោះ ជំនន់ទឹកភ្លៀងនៅតំបន់អូ១ និងអូ២។ ៤.ស្ពាន L.V, ៦.ស្ពានអង្គការម្លប់តាប៉ាង។ បន្តចុះពិនិត្យ ការរៀបចំដាក់លូអមសងខាងផ្លួវ ១២៦៣ មានមុខកាត់០,៨០ម៉ែត្រ និងមានរ៉េហ្កាចំនួន ៥០ ស្ថិតនៅក្នុងសង្កាត់លេខ៣ ក្រុងព្រះសីហនុ។ ក្នុងឱកាសនោះ ឯកឧត្តមអភិបាលខេត្តព្រះសីហនុ បានធ្វើការណែនាំ ក្រុមការងារ បច្ចេកសាងសង់ត្រូវពន្លឿការសាងសង់លូឱ្យបាន លឿនមុនរដូវភ្លៀងចូលមកដល់ ព្រោះខេត្តព្រះសីហនុ មានភ្លៀងធ្លាក់មុនដើមរដូវវស្សា បើដល់រដូវវស្សាវាមានផលប៉ះពាល់ ដល់ដំណើរការដ្ឋានសាងសង់ដោយសារភ្លៀង។ ទន្ទឹមនោះការសាងសង់លូនៅ តាមចំណុចទីតាំងនីមួយៗត្រូវធ្វើតាមលក្ខណបច្ចេក ទេសឱ្យបានត្រឹមត្រូវ ដើម្បីធានាការប្រើ ប្រាស់បានយូរអង្វែង ព្រោះលូ ស្ពានទាំងអស់នេះវាជាសម្បត្តិសាធារណៈរបស់ប្រជា ពលរដ្ឋក្រុងព្រះសីហនុ។ ឯកឧត្តម ក៏បានធ្វើការអំពាវនាវដល់បងប្អូនប្រជាពលរដ្ឋដែលរស់នៅតាមបណ្តោយអូ ប្រឡាយក្នុងភូមិសាស្ត្រខេត្តព្រះសីហនុ សូមចូលរួមវេចខ្ចប់ទុកដាក់កាលសំណល់សំរាមឱ្យ បានត្រឹមត្រូវ កុំធ្វើការបោះចោលចូលក្នុងអូ ប្រឡាយ ដែលជាដើមចមនាំឱ្យមានការកក ស្ទះចរន្តទឹកហូរនៅរដូវវស្សាបង្កជាជំនន់ទឹកភ្លៀង ព្រោះរដ្ឋបាលខេត្តព្រះសីហនុ និងមន្ទីរ ជំនាញបាននឹងកំពុងធ្វើការស្តារ ពង្រីកអូ ប្រឡាយនៅក្នុងភូមិសាស្ត្រក្រុងព្រះសីហនុ ទៅតាមនិយាមការ ដើម្បីរំដោះជំនន់ទឹកភ្លៀង កុំឱ្យជនលិចលំនៅឋានរបស់បងប្អូនប្រជា ពលរដ្ឋនៅក្នុងរដូវវស្សាខាងមុខ៕