ដោយ៖តារារិទ្ធ/ភ្នំពេញ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជានឹងអញ្ជើញជាអធិបតីភាពដ៏ខ្ពង់ខ្ពស់សម្ពោធដាក់ឲ្យប្រើ ប្រាស់ជាផ្លូវការផ្លូវជាតិលេខ៣ដែលចំណាយថវិកាសាងសង់សរុបអស់ជាង ២០០លានដុល្លារអាមេរិកនោះ នៅព្រឹកថ្ងៃទី ០២ ខែមីនា ឆ្នាំ២០២២ ។ លោកទេសរដ្ឋមន្ត្រី ស៊ុន ចាន់ថុល បានបញ្ជាក់ឲ្យដឹងថាការបើកសម្ពោធដាក់ឲ្យប្រើប្រាស់ជាផ្លូវការផ្លូវជាតិលេខ៣ ភ្នំពេញ-កំពត(ចាប់ពីរង្វង់មូលចោ មចៅទៅដល់ទីរួមខេត្ត កំពត)គឺមានប្រវែងសរុបប្រមាណ១៣៤ គីឡូម៉ែត្រដែលគម្រោងសាងសង់ត្រូវបានបែងចែកជា២ដំណាក់កាលគឺពីចោមចៅទៅបែកគូសមានប្រវែងប្រមាណ៧០គីឡូម៉ែត្រ ដែលត្រូវបានពង្រីកពី២គន្លងទៅ៤គន្លងព្រមទាំងមានសួនច្បារកណ្តាលទ្រូងផ្លូវនិងពីបែកគូសទៅកំពតត្រូវបានពង្រីក១២ម៉ែត្រដែលមានមួយគន្លងទៅមួយគន្លងមក និង បានសាងសង់រួចរាល់ជាស្ថាពរហើយ។ សូមជម្រាបថាគម្រោងសាងសង់ផ្លូវជាតិលេខ៣នេះប្រើប្រាស់រយៈពេលសាងសង់ ៤៨ខែដែលចំណាយថវិកាសរុបប្រមាណជិត ២២០លានដុល្លារអាមេរិកដែលជាហិរញ្ញប្ប ទានសម្បទានពីសាធារណរដ្ឋប្រជាមានិតចិនរួមជាមួយនឹងថវិកាបដិភាគរបស់រាជរដ្ឋាភិបាលកម្ពុជា ៕