កំពង់ចាម៖ លោក ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ និងដឹកជញ្ជូន អមដំណើរដោយលោក អ៊ុន ចាន់ដា អភិបាល នៃគណៈអភិបាលខេត្តកំពង់ចាម នៅព្រឹកថ្ងៃទី១២ ខែកក្កដា ឆ្នាំ២០២១នេះ បានអញ្ជើញចុះពិនិត្យ និងសិក្សាលម្អិតលើគម្រោងផ្លូវ៤គន្លង ស្ថិតនៅលើណាត់ផ្លូវជាតិលេខ៧ ចាប់ពីទីប្រជុំជនស្គន់ ស្រុកជើងព្រៃ រហូតដល់គល់ស្ពានគីហ្សូណា ក្រុងកំពង់ចាម ខេត្តកំពង់ចាម ដែលមានប្រវែងប្រមាណជាង៤៥ គីឡូម៉ែត្រ។ សូមជម្រាបថា ក្រសួងសាធារណៈការ និងដឹកជញ្ជូន នៅតែបន្តកសាង ស្ថាបនា និងជួសជុលផ្លូវបន្ថែមទៀត។ ជាក់ស្តែងកំណាត់ផ្លូវជាតិលេខ៧ ចាប់ពីចំណុចរង្វង់មូលផ្សារស្គន់ រហូតគ់ស្ពានគីហ្សូណា ក្រុងកំពង់ចាម ដើម្បីពង្រីកទៅជាផ្លូវដែលមាន៤គន្លង ផ្តល់ភាពងាយស្រួល ក្នុងការធ្វើដំណើរ ចរាចរណ៍ទៅវិញទៅមក ខណៈបច្ចប្បន្នប្រទេសកម្ពុជា មានកំណើនមធ្យោបាយដំណើរជាបន្តបន្ទាប់៕