[CFA PRESS] - ម្ចាស់រថយន្តផ្លាកលេខ« កម្ពុជា ឯកឧត្តម ឧកញ៉ា ប៉ែន លឹម»និងបានជេរប្រមាថគេឯងពេញហ្វេសប៊ុក ត្រូវបានកម្លាំងសមត្ថកិច្ចខណ្ឌឬស្សីកែវធ្វើការកោះហៅដើម្បីចូលខ្លួនមកបំភ្លឺហើយ
2021-04-24
ទៅកាន់ទំព័រចុះផ្សាយក្នុង CFA PRESS
ភ្នំពេញ៖ ម្ចាស់រថយន្តផ្លាកលេខ« កម្ពុជា ឯកឧត្តម ឧកញ៉ា ប៉ែន លឹម»ដែលជាផ្លាកលេខក្លែងក្លាយមានឈ្មោះ ប៉ែន លឹម អាយុ៤៩ឆ្នាំ មុខរបរនៅផ្ទះ រស់នៅសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញនៅវេលាម៉ោង៤និង០០រសៀល ថ្ងៃទី២៤ ខែមេសា ឆ្នាំ២០២១នេះត្រូវបបានកម្លាំងសមត្ថកិច្ចនគរបាលខណ្ឌឬស្សីកែវ ធ្វើការកោះហៅដើម្បីឲ្យចូលខ្លួនមកបំភ្លឺ ចំពោះមុខសមត្ថកិច្ចហើយ។
បុគ្គលបំពានច្បាប់ ប៉ែន លឹម រូបនេះបានប្រើប្រាស់ស្លាកលេខមិនត្រឹមត្រូវបំពាក់រថយន្ត របស់ខ្លួនម៉ាក Highlander ពណ៌ស ដោយដាក់ថា «កម្ពុជា ឯកឧត្តម ឧកញ៉ា ប៉ែន លឹម»និងបានប្រើប្រាស់ពាក្យសម្តីជេរប្រមាថគេឯងពេញបណ្តាញសង្គមហ្វេសបុកទៀតផង។
គួរជម្រាបថា បុគ្គលឈ្មោះ ប៉ែន លឹម រូបនេះ ក៏បានទទួលស្គាល់នូវកំហុសខុសឆ្គងរបស់ខ្លួន និងបានដោះស្លាកលេខមិនត្រឹមត្រូវនេះចេញ ដោយបានធ្វើកិច្ចសន្យា និងសុំទោសជាសារណ:ចំពោះការពាក់ស្លាកលេខមិនត្រឹមត្រូវនេះ ហើយក៏បានធ្វើការថតជាវិដេអូសុំទោសជាសាធារណ: ចំពោះការប្រើប្រាស់ពាក្យសម្តីមិនសមរម្យនៅលើបណ្តាញសង្គម។
តាមប្រភពព័ត៌មានពីសមត្ថកិច្ចបានឲ្យដឹងថា បបុគ្គលម្នាក់នេះមានជំងឺ
លើសឈាមផង ស្លាប់មួយចំហៀងខ្លួនផង និងកំពុងលេបថ្នាំសរសៃប្រសាទផង។ ក្រោយពីសមត្ថកិច្ចធ្វើការណែនាំអប់រំ ធ្វើកិច្ចសន្យា និងសុំទោសរួចរាល់សមត្ថកិច្ចក៏បានអនុញ្ញាតឲ្យគាត់វិលត្រឡប់ទៅគេហដ្ឋានវិញ៕
