មន្ទីរសាធារណការ និងដឹកជញ្ជូនខេត្តបានបង្កើនការយកចិត្តទុកដាក់ថែរក្សាលើផ្លូវជាតិ និងផ្លូវខេត្ត ដោយបន្តការស្ថាបនាថែទាំជួសជុល រួមមាន៖ កំណាត់ផ្លូវជាតិលេខ 7 , 8 , 73 , 76 , 78 , 78-5 ផ្លូវខេត្តលេខ 373C និងផ្លូវខេត្តលេខ 3789។ យោងតាមក្រសួងសាធារណការ និងជញ្ជូនបានប្រាប់ឱ្យដឹងថា៖ មន្ទីសាធារណការនិងដឹកជញ្ជូន ខេត្តរតនគីរី និងត្បូងឃ្មុំ បានបង្កើនការយកចិត្តទុកដាក់ចុះអនុវត្តការងារជួសជុលថែទាំលើកំណាត់ផ្លូវជាតិលេខ7 លេខ8 លេខ73 លេខ76 លេខ78 លេខ78-5 ផ្លូវខេត្តលេខ 373C និងលេខ 3789 ដើម្បីរក្សាបានគុណភាពស្របតាមស្តង់ដារបច្ចេកទេសត្រឹមត្រូវ ធ្វើឱ្យកាន់តែប្រសើរឡើងនៅការប្រើប្រាស់ផ្លូវថ្នល់មានភាពយូអង្វែង ជាការជួយសម្រួលដល់ការធ្វើដំណើររបស់ប្រជាពលរដ្ឋ និងការដឹកជញ្ជូនឆ្លងកាត់កាន់តែមានភាពងាយស្រួល កាត់បន្ថយនូវពេលវេលា និងចំណេញទាំងថវិកាផងដែរ។ សូមចូលរួមសហការជាមួយក្រសួង ដោយថតរាយការណ៍ពីស្ថានភាពផ្លូវខូចខាត ដោយប្រើប្រាស់កម្មវិធីថែទាំផ្លូវ​ (Road Care Mobile App) ដើម្បីចូលរួមថែរក្សាផ្លូវថ្នល់របស់យើង។