ក្នុងកិច្ចប្រជុំត្រួតពិនិត្យការអនុវត្ត ផែនការសកម្មភាព សុវត្ថិភាព ចរាចរណ៍ផ្លូវគោក ឆ្នាំ២០២០ របស់ខេត្តដំបងថ្ងៃទី២២ ខែធ្នូនេះ លោក សឿម ប៊ុនរិទ្ធ អភិបាលរងខេត្ត បាត់ដំបង បានមានប្រសាសន៍ថា កិច្ចប្រជុំពេលនេះ គឺផ្សព្វផ្សាយ នូវគោលការណ៍មួយចំនួន របស់ក្រសួងសាធារណការ និងដឹកជញ្ជូន ក៏ដូចជាក្របខ័ណ្ឌ នៃគណ:កម្មការ សុវត្ថិភាព ចរាចរណ៍ផ្លូវគោកថ្នាក់ជាតិ ដែលមានសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជាប្រធាន ។ ម្យ៉ាងទៀត ពាក់ព័ន្ធ ទៅនឹងការអនុវត្តផ្ទាល់ ទៅលើវិធានការផ្លូវច្បាប់ ក្នុងការរឹតបន្តឹងការអនុវត្តច្បាប់ ចរាចរណ៍ផ្លូវគោក ដែលយើងមាន បញ្ហាប្រឈមអ្វី យើងត្រូវដោះស្រាយ។ លោក ព្រំ វន្ថា ប្រធាននាយកដ្ឋាន ចរាចរណ៍ផ្លូវគោក នៃក្រសួងមហាផ្ទៃ បានមានប្រសាសន៍ថា កិច្ចប្រជុំនេះមានគោលដៅ ត្រួតពិនិត្យ និង វាយតម្លៃការដាក់ចំណាត់ថ្នាក់ ការអនុវត្តផែនការសកម្មភាព ក៏ដូចជាការអនុវត្តនៅតំបន់ពិសេស សុវត្ថិភាពចរាចរណ៍ផ្លូវគោក តាមសេចក្តីណែនាំ របស់ក្រសួងមហាផ្ទៃ ស្តីពីការអនុវត្ត ចលនា ប្រឡងប្រណាំងតំបន់ពិសេស នៃសុវត្ថិភាព ចរាចរណ៍ផ្លូវគោក ។ នៅក្នុងគោលការណ៍ ប្រឡងប្រណាំងនេះ យើងបាន សម្រេចលទ្ធផល ល្អប្រសើរ ដោយ អនុវត្តនូវផែនការសកម្មភាព របស់គណ:កម្មការជាតិ សុវត្ថិភាព ចរាចរណ៍ផ្លូវគោក ដោយផ្តោតទៅលើ សកម្មភាព ជាអាទិភាព ចំនួន៨ ៕