(ភ្នំពេញ​)៖​ មន្ទីរ​សាធារណការ​ និង​ដឹក​ជញ្ជូន​រាជធានី​ភ្នំពេញ​ បានឲ្យដឹងថា​ កាលពីថ្ងៃទី២៩​ ខែមេសា​ឆ្នាំ២០២០ម្សិលមិញនេះ មានប្រជាពលរដ្ឋបានមកប្រឡងយកបណ្ណបើកបរនៅអង្គភាពផ្តល់បណ្ណបើកបរយានយន្ត និងមកប្តូរ ពន្យារបណ្ណនៅមណ្ឌលប្តូរ ពន្យារបណ្ណបើកបរនៅផ្សារទំនើបអុីអនទី១ និង អុីអន២ មានចំនួន ៥៨៣នាក់ កើនជាង ៣ដង ធៀបនឹងថ្ងៃធម្មតា។ ជាមួយ​គ្នា​នេះ​ មន្ទីរ​សាធារណការ​ បានអំពាវនាវ​ដល់ប្រជាពលរដ្ឋសូមមេត្តារក្សាគម្លាត និងគោលការណ៍អនាម័យតាមការណែនាំរបស់ក្រសួងសុខាភិបាល​ ដើម្បីការពារការរីករាលដាលជំងឺកូវីដ១៩ទាំងអស់គ្នា៕