សមាជពិភពលោកលើកទី២៦ ស្តីពីប្រព័ន្ធដឹកជញ្ជូនវ័យឆ្លាត (The 26th ITS World Congress) ប្រទេសសិង្ហបុរី --- ចាប់ពីថ្ងៃទី២១ ដល់ថ្ងៃទី២៥ ខែតុលា ឆ្នាំ២០១៩ ឯកឧត្តម តូច ចាន់កុសល រដ្ឋលេខាធិការ និងជាតំណាងដ៏ខ្ពង់ខ្ពស់ ឯកឧត្តមទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញចូលរួមសមាជពិភពលោកលើកទី២៦ ស្តីពីប្រព័ន្ធដឹកជញ្ជូនវ័យឆ្លាត (The 26th ITS World Congress) ដែលរៀបចំឡើងនៅប្រទេសសិង្ហបុរី។ នេះជាលើកទីមួយហើយ ដែលសមាជពិភពលោកមួយនេះ ធ្វើឡើងនៅក្នុងប្រទេសអាស៊ាន។ កិច្ចប្រជុំនេះ បានផ្តោតសំខាន់លើប្រធានបទ ស្តីពី ប្រព័ន្ធដឹកជញ្ជូនវ័យឆ្លាត ដើម្បីរួមចំណែកដោះស្រាយបញ្ហា ដែលកើតចេញពី កំណើនដ៏គំហុកនៃតម្រូវការបម្លាស់ទីរបស់ប្រជាជន ក្នុងសតវត្សរ៍ទី២១ យើងនេះ ដែលមានការចូលរួមពី រដ្ឋមន្ត្រី អនុរដ្ឋមន្ត្រីដឹកជញ្ជូន ប្រមាណជាង ម្ភៃប្រទេសចូលរួមផងដែរ។