ខេត្ដឧត្តរមានជ័យ៖ដើម្បីថែរក្សាការពារហេដ្ធារេចនាសម្ព័ន្ធផ្លូវថ្នល់នឹងស្ពានពិសេសកាត់បន្ថយគ្រោះថ្នាក់ចរាចរណ៍ ដែលបណ្ដាលមកពីការដឹកជញ្ជូនលើសទម្ងន់ក្នុងកម្រិតកំណត់នោះ មន្ត្រីមន្ទីសាធារណៈការនិងដឹកជញ្ជូនខេត្តឧត្តរមានជ័យ និងមិនមានការលើកលែងដល់រថយន្តធំៗផ្ទុកលើសទម្ងន់កំពុងប្រើប្រាស់ផ្លូវក្នុងខេត្តនេះទៀតឡើយ។ លោកសាំង ប៊ុនថេន ប្រធានមន្ទីសាធារណៈការនឹងដឹកជញ្ជូនខេត្ឧត្តរមានជ័យ បានអោយដឹងថា ៖ដើម្បីរួមចំណែកថែរក្សាសណ្ដាប់ធ្នាប់សង្គម សុវត្ថិភាពចរាចរណ៍នឹងថែរក្សាការពារហេដ្ឋារេចនាសម្ព័ន្ធផ្លូវថ្នល់នឹងស្ពានពិសេសកាត់បន្ថយគ្រោះថ្នាក់ចរាចរណ៍ដែលបណ្ដាលមកពីរថយន្តធំៗដឹកជញ្ជូនលើសទម្ងន់កម្រិតត្រូវបានកំណត់និងគោរពច្បាប់ចរាចរណ៍ផ្លូវគោកនោះ មន្ត្រីមន្ទីសាធារណៈការនិងដឹកជញ្ជូនខេត្តឧត្តរមានជ័យ និងមិនមានការលើកលែងដល់រថយន្តធំៗផ្ទុកលើសទម្ងន់កំពុងប្រើប្រាស់ផ្លូវក្នុងខេត្តនេះទៀតឡើយ។ លោកបានបន្តថា មន្ត្រីមន្ទីរនិងធ្វើការត្រួតពិនិត្យលើយានយន្តនៅតាមដងផ្លូវគ្រប់ ស្រុក ក្រុង ក្នុងខេត្តនេះ។ ហើយថ្មីៗនេះ ក្រុមជញ្ជីងចល័តសហការមន្ទីរសាធារណៈការនិងដឹកជញ្ជូនខេត្ត បានឃាត់យានយន្តធំ ដែលផ្ទុកលើសទម្ងន់ការកំណត់នោះបានជិត២០គ្រឿងធ្វើការផាកពិន័យកាលពីសប្តាហ៍កន្លងមកនេះ ក្នុងនោះរកឃើញថា រថយន្តនីមួយៗបានផ្ទុកលើសទម្ងន់ចាប់ពីចន្លោះ១០ទៅ៣០តោន។ហើយចំពោះការផាកពិន័យអនុវត្តទៅតាមច្បាប់កំណត់ ក្នុង១តោនពិន័យជាទឹកប្រាក់៣០ម៉ឺនរៀល។ លោកប្រធានមន្ទីរបញ្ជាក់ថា៖ ក្នុងការអនុវត្តនេះគឺក្នុងគោលបំណងការពារទ្រព្យសម្បត្តិសាធារណ: ផ្លូវថ្នល់ ស្ពាន ព្រមទាំងហេដ្ឋារចនាសម្ព័ន្ធផ្លូវថ្នល់ផ្សេងទៀតឲ្យមានចីរភាព ស្ថិតស្ថេរ គង់វង្ស និងជាប់រឹងមាំតាមអាយុកាល នឹងក្រៅពីនេះរួមកាត់បន្ថយការគ្រោះថ្នាក់ចរាចរណ៍ផងដែរ៕មាសសាយ