សិក្ខាកាមជាយុវជន ស.ស.យ.ក អន្ដរវិស័យ ចំនួន៣ ខេត្ត មាន កំពង់ធំ ស្ទឹងត្រែង និងខេត្តក្រចេះ ទទួលបានការបណ្ដុះបណ្ដាលស្ដីពីសុវត្ថិភាពចរាចរណ៍ផ្លូវគោក នៅថ្ងៃទី១-៣ ខែមីនា ឆ្នាំ២០២៣ ក្រុមការងារ ស.ស.យ.ក វិស័យសាធារណការ និងដឹកជញ្ជូន សហការជាមួយ ស.ស.យ.ក ខេត្ត និងមន្ទីរសាធារណការ និងដឹកជញ្ជូនខេត្តកំពង់ធំ ស្ទឹងត្រែង និងក្រចេះ បានបន្ដបើកវគ្គបណ្តុះបណ្តាលស្តីពី សុវត្ថិភាពចរាចរណ៍ផ្លូវគោក ដល់សមាជិក សមាជិកា ជាយុវជន ស.ស.យ.ក អន្តរវិស័យ ក្នុងខេត្តនីមួយៗ ដោយក្នុងនោះ ខេត្តកំពង់ធំ មានអ្នកចូលរួម ១០០ រូប , ស្ទឺងត្រែង មានចំនួន ១០០ រូប និង ក្រចេះ មាន ១០០ រូប ផងដែរ។ ប្រធានបទសំខាន់ៗដែលលើកយកមកធ្វើបទបង្ហាញ និងអប់រំផ្សព្វផ្សាយរួមមាន ស្ថានភាពទូទៅនៃគ្រោះថ្នាក់ចរាចរណ៍ផ្លូវគោក សុជីវធម៌ក្នុងការបើកបរ ការប្រើប្រាស់ល្បឿនក្នុងការបើកបរ សិទ្ធិអាទិភាពនៅត្រង់ផ្លូវប្រសព្វ ហានិភ័យនៃការបើកបរក្រោមឥទ្ធិពលនៃគ្រឿងស្រវឹង អត្ថប្រយោជន៍នៃមួកសុវត្ថិភាព ការត្រួតពិនិត្យទោចក្រយានយន្ត កម្មវិធីយល់ដឹងអំពីទ្រឹស្តីនៃការបើកបរលើទូរស័ព្ទដៃ (Cambodia Driving Rules) និងកម្មវិធីថែទាំផ្លូវ (Road Care Mobile App)។ សូមជម្រាបជូនផងដែរថា វគ្គបណ្តុះបណ្តាលនេះធ្វើឡើងក្នុងគោលបំណងអប់រំផ្សព្វផ្សាយស្តីពី សុវត្ថិភាពចរាចរណ៍ផ្លូវគោក ដើម្បីលើកកម្ពស់ការយល់ដឹងអំពីសុវត្ថិភាពចរាចរណ ជូនដល់យុវជនជាសមាជិក ស.ស.យ.ក និងដើម្បីយកចំណេះដឹងនេះទៅអប់រំ ផ្សព្វផ្សាយបន្តដល់យុវជន និងបងប្អូនប្រជាពលរដ្ឋដ៏ទៃទៀតផងដែរ៕