កិច្ចប្រជុំប្រចាំខែកញ្ញា របស់ក្រុមការងារយុវជនគណបក្សប្រជាជនកម្ពុជា ក្រសួងសាធារណការ និងដឹកជញ្ជូន ដើម្បីពិនិត្យវឌ្ឍនភាពការងារ និងត្រៀមលក្ខណៈសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ នាឆ្នាំ២០២៣ខាងមុខ ថ្ងៃអាទិត្យ ៦រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែតុលា ឆ្នាំ២០២២ ឯកឧត្តម ប៉េង ពោធិ៍នា ប្រធានផ្នែកព័ត៌មាន និងបណ្ដាញផ្សព្វផ្សាយសង្គម នៃយុវជនគណបក្សថ្នាក់កណ្ដាល និងលោកជំទាវ កុយ សុដានី ប្រធានក្រុមការងារយុវជនគណបក្សប្រជាជនកម្ពុជា ក្រសួងសាធារណការ និងដឹកជញ្ជូន អញ្ជើញដឹកនាំកិច្ចប្រជុំប្រចាំខែកញ្ញា របស់ក្រុមការងារយុវជនគណបក្សក្រសួង ដើម្បីពិនិត្យវឌ្ឍនភាពការងារដែលសម្រេចបាននាពេលកន្លងមក និងផ្សព្វផ្សាយការងារអាទិភាពចំពោះមុខយុវជនដើម្បីត្រៀមសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ នាឆ្នាំ២០២៣។ កិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ លោក លោកស្រី អនុប្រធាន សមាជិកអចិន្ត្រៃយ៍ និងសមាជិក ក្រុមការងារយុវជនគណបក្សក្រសួង សរុបចំនួន ៣៥រូប។ អង្គប្រជុំក៏មានការរាយការណ៍អំពីវឌ្ឍភាពនៃការរអនុវត្តការងារតាមបណ្ដាផែនចំណុះក្រុមការងារយុវជនគណបក្សក្រសួង និងការងារចុះជួយនៅតាមមូលដ្ឋាន ក្នុងនោះផងដែរ លោកជំទាវប្រធានក្រុមការងារ ក៏បានណែនាំដល់ក្រុមការងារទាំងអស់ដែលចុះជួយតាមមូលដ្ឋានត្រូវស្ដាប់ឱ្យបាននូវតម្រូវការរបស់បងប្អូនប្រជាពលរដ្ឋ ដើម្បីដោះស្រាយជូនពួកគាត់ឱ្យបានទាន់ពេលវេលា៕