យោងតាមសេចក្តីជូនដំណឹងរបស់ក្រសួងសាធារណការនិងដឹកជញ្ជូនខេត្តកណ្តាលកាលពីថ្ងៃទី ១០ តុលានេះបានឱ្យដឹងថា មន្ទីរសាធារណការនិងដឹកជញ្ជូន ខេត្តកណ្តាល នឹងធ្វើការបិទការធ្វើចរាចរណ៍រថយន្តដឹកទំនិញធ្ងន់ធ្ងន់គ្រប់ប្រភេទនៅលើកកំណាត់ផ្លូវលេខ ១KD៩ (៣៤ចាស់) ចាប់ពីចំណុចផ្លូវលេខ៣ គ.ម ២៥+១០០ ដល់ផ្លូវជាតិលេខ ៤១ (ស្ពានគុណគ្រូ) គ.ម ៤២+៦០០ ស្ថិតនៅក្នុងស្រុកកណ្តាលស្ទឹង ខេត្តកណ្តាល។ដែលការបិទនេះមានរយៈពេល ១៥ថ្ងៃ គិតចាប់ពីថ្ងៃទី១០ ដល់ថ្ងៃទី២៤ ខែតុលា ឆ្នាំ ២០២២ ដោយសារស្ថានភាពជំនន់ទឹកភ្លៀងមានការកើនឡើងខ្លាំង ដែលបណ្តាលឱ្យមានការជន់លិចផ្លូវនិងតំបន់មួយចំនួនក្នុងស្រុកកណ្តាលស្ទឹង។ ដូច្នេះមន្ទីរសាធារណការនិងដឹកជញ្ជូន ខេត្តកណ្តាល សូមធ្វើការបិទចរាចរណ៍ រថយន្តដឹកខ្សាច់និង រថយន្តដឹកទំនិញធុនធ្ងន់គ្រប់ប្រភេទ នៅលើកំណាត់ផ្លូវលេខ ១KD៩ (៣៤ចាស់) ចាប់ពីចំណុចផ្លូវលេខ៣ គ.ម ២៥+១០០ ដល់ផ្លូវជាតិលេខ ៤១ (ស្ពានគុណគ្រូ) គ.ម ៤២+៦០០។ ដោយឡែកចំពោះរថយន្តគ្រួសារ និងរថយន្តដឹកទំនិញក្រោម៥តោន អាចធ្វើដំណើរចរាចរណ៍បានធម្មតា៕