កិច្ចប្រជុំផ្សព្វផ្សាយរបាយការណ៍ ស្តីពីការបោះឆ្នោតជ្រើសរើសក្រុមប្រឹក្សា/ឃុំសង្កាត់ អាណត្តិទី៥ ឆ្នាំ២០២២ និងទិសដៅការងារឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ដល់គណៈកម្មាធិការគណបក្សមូលដ្ឋាននៃអគ្គនាយកដ្ឋានរដ្ឋបាល និងហិរញ្ញវត្ថុ រាជធានីភ្នំពេញ៖ ថ្ងៃសុក្រ ៧កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០២ ខែកញ្ញា ឆ្នាំ២០២២ ឯកឧត្តម ជួប សុភក្តិ សមាជិកអចិន្ត្រៃយ៍ និងជាតំណាងដ៏ខ្ពង់ខ្ពស់ ឯកឧត្តម សួង ហេង សមាជិកអចិន្ត្រៃយ៍ គណៈកម្មាធិការគណបក្សក្រសួងសាធារណការ និងដឹកជញ្ជូន, ឯកឧត្តម វ៉ាស៊ឹម សុរិយា, ឯកឧត្តម មាស ម៉ូនីកា, ឯកឧត្តម ម៉ា ស៊ុនហួត សមាជិក គណៈកម្មាធិការគណបក្សក្រសួងសាធារណការ និងដឹកជញ្ជូន រួមទាំង ឯកឧត្តម កែន រដ្ឋា ប្រធានគណៈកម្មាធិការគណបក្សមូលដ្ឋាននៃអគ្គនាយកដ្ឋានរដ្ឋបាល និងហិរញ្ញវត្ថុ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយរបាយការណ៍ ស្តីពីការបោះឆ្នោតជ្រើសរើសក្រុមប្រឹក្សាឃុំ/សង្កាត់ អាណត្តិទី៥ ឆ្នាំ២០២២ និងទិសដៅការងារឆ្ពោះទៅកាន់ការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ ដោយមានការចូលរួមពីសមាជិក សមាជិកា គណៈកម្មាធិការគណបក្សមូលដ្ឋាននៃអគ្គនាយកដ្ឋានរដ្ឋបាល និងហិរញ្ញវត្ថុ សរុបប្រមាណ ៧៩រូប។ ជាកិច្ចចាប់ផ្តើម អង្គប្រជុំបានអនុញ្ញាតឱ្យ លោក មុំម ណាដា អនុប្រធានគណៈកម្មាធិការគណបក្សមូលដ្ឋាននៃអគ្គនាយកដ្ឋានរដ្ឋបាល និងហិរញ្ញវត្ថុ អានសុន្ទរកថា អំពីគោលបំណងនៃការរៀបចំកិច្ចប្រជុំវិសាមញ្ញរបស់គណៈកម្មាធិការកណ្តាល គណបក្សប្រជាជនកម្ពុជា ដែលបានប្រព្រឹត្តទៅកាលពីថ្ងៃទី១៦-១៧ ខែកក្កដា ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស ព្រមទាំង សម្តេច ឯកឧត្តម លោកជំទាវ ជាអនុប្រធាន និងសមាជិក សមាជិកា គណបក្សប្រជាជនកម្ពុជា។ បន្ទាប់មក ឯកឧត្តម កែន រដ្ឋា ប្រធានគណៈកម្មាធិការគណបក្សមូលដ្ឋាននៃអគ្គនាយកដ្ឋានរដ្ឋបាល និងហិរញ្ញវត្ថុ បានអានរបាយការណ៍ ស្តីពីលទ្ធផលបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ និងទិសដៅការងារឆ្ពោះទៅការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ដែលខ្លឹមសារសំខាន់ៗនៅក្នុងរបាយការណ៍នេះ បានរំលេចឡើងមានជាអាទិ៍ដូចជា (១)សភាពការណ៍ទូទៅនៃដំណើរការបោះឆ្នោត, (២)លទ្ធផលនៃការបោះឆ្នោតដែលបានប្រកាសជាផ្លូវការដោយគណៈកម្មាធិការជាតិរៀបចំការបោះឆ្នោត កាលពីថ្ងៃទី២៦ ខែមិថុនា ឆ្នាំ២០២២ ក្នុងនោះ គណបក្សប្រជាជនកម្ពុជាទទួលបានសម្លេងគាំទ្រ ៥,៣៧៨,៧៧៣ ស្មើនឹង ៧៤,៣២% (ទទួលបានអាសនៈក្រុមប្រឹក្សាឃុំសង្កាត់ ១៦៤៨ ស្មើនឹង ៩៩,៧៦%) ដែលបានបង្ហាញនូវទិដ្ឋភាពវិជ្ជមានរបស់គណបក្ស (៣)ការវាយតម្លៃលទ្ធផលនៃការបោះឆ្នោត ដែលគណបក្សប្រជាជនកម្ពុជាទទួលបានជោគជ័យ តាមរយៈការដាក់ចេញ និងអនុវត្តគោលនយោបាយដ៏ត្រឹមត្រូវ ក្រោមការដឹកនាំរបស់ សម្តេចតេជោ ហ៊ុន សែន ប្រធានគណបក្ស (៤)ទិសដៅឆ្ពោះទៅការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ សំដៅការពង្រីកប្រៀបឈ្នះ និងរកឱ្យឃើញនូវចំណុចខ្វះខាតដែលត្រូវជន្នះឱ្យបានរបស់គណបក្ស។ ឯកឧត្តម ជួប សុភក្តិ សមាជិកអចិន្ត្រៃយ៍គណៈកម្មាធិការគណបក្សក្រសួងសាធារណការ និងដឹកជញ្ជូន បាន អានសេចក្តីជូនដំណឹង ស្ដីពីលទ្ធផលនៃសន្និបាតគណៈកម្មាធិការកណ្ដាលជាវិសាមញ្ញរបស់គណបក្សប្រជាជនកម្ពុជា និងបានផ្ដល់ជាមតិណែនាំមួយចំនួនជូនដល់មន្ត្រីបក្សមូលដ្ឋាន ទាក់ទងនឹងការណែនាំដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្ស ដែលបានថ្លែងក្នុងពិធីបូកសរុបសន្និបាតផងដែរ៕