ផ្លូវត្រូវបានជួសជុល ក្រោយមានការចូលរួមពីបងប្អូនប្រជាពលរដ្ឋក្នុងការរាយការណ៍តាមកម្មវិធីថែទាំផ្លូវ (ROAD CARE Mobile App) សកម្មភាពមន្ទីរសាធារណការ និងដឹកជញ្ជូនខេត្តត្បូងឃ្មុំ ជួសជុលផ្លូវថ្នល់ ដែលមានសភាពខូចខាត តាមរយៈរបាយការណ៍របស់ប្រជាពលរដ្ឋរាយការណ៍ពីបញ្ហាផ្លូវថ្នល់តាមកម្មវិធីថែទាំផ្លូវ (ROAD CARE Mobile App) ជាការជួយសម្រួលឱ្យការធ្វើដំណើររបស់ប្រជាពលរដ្ឋមានភាពងាយស្រួល និងកាត់បន្ថយគ្រោះថ្នាក់ចរាចរណ៍។ សូមអរគុណចំពោះការចូលរួមសហការរបស់បងប្អូនប្រជាពលរដ្ឋក្នុងការរាយការណ៍ពីបញ្ហាផ្លូវដែលត្រូវជួសជុលថែទាំតាមកម្មវិធីថែទាំផ្លូវ ( ROAD CARE Mobile App) ដែលនេះគឺជាការរួមចំណែកថែរក្សាការពារផ្លូវថ្នល់ឱ្យប្រើប្រាស់បានយូរអង្វែង និងចំណេញពេលវេលា។ សូមស្នើប្រជាពលរដ្ឋគ្រប់រូបព្យាយាមគោរពច្បាប់ចរាចរណ៍ឱ្យបានខ្ជាប់ខ្ជួន ដោយការបើកបរចេះគោរពគំនូសសញ្ញាចរាចរណ៍ ផ្លាកសញ្ញាចរាចរណ៍ ភ្លើងសញ្ញាចរាចរណ៍ និងចេះយោគយល់អធ្យាស្រ័យគ្នានៅលើដងផ្លួវ ក៏ដូចជាចូលរូមក្នុងការរាយការណ៍ពីបញ្ហាផ្លូវថ្នល់ដែលត្រូវជួសជុលថែទាំ តាមរយៈកម្មវិធីថែទាំផ្លូវ (ROAD CARE Mobile App) ដើម្បីឱ្យសមត្ថកិច្ចជំនាញអាចជួសជុលបានទាន់ពេលវេលា។ ទាញយកកម្មវិធីថែទាំផ្លូវ (ROAD CARE Mobile App) ៖ - App Store: https://roadcare.mpwt.gov.kh/ios - Play Store: https://roadcare.mpwt.gov.kh/android