ឯកឧត្តមអគ្គនាយក សួន ភារិទ្ធ បន្តជួបពិភាក្សាការងារជាមួយក្រុមការងារបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន (JICA) អំពីការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ថ្ងៃអង្គារ ១៥កើត ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៤ ខែមិថុនា ឆ្នាំ ២០២២ នៅទីស្តីការក្រសួង ឯកឧត្តម សួន ភារិទ្ធ អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួង សាធារណការ និងដឹកជញ្ជូន បានអញ្ជើញជួបជាមួយក្រុមការងារបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន(JICA) ដើម្បីបន្តពិភាក្សាអំពីការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ដោយមានការចូលរួមពីមន្ត្រីជំនាញបច្ចេកទេស និងភាគីពាក់ព័ន្ធ។ អង្គប្រជុំបានពិភាក្សាលើ ១) ការរៀបចំអណ្តូងលូ ដោយបង្កើតគម្លាតអណ្តូងលូទៅតាមទំហំ និង ប្រភេទទុយោ ២) ការរៀបចំតំណភ្ជាប់បណ្តាញ ៣) ការជ្រើសរើសបំពង់ទុយោសម្រាប់ទឹកកខ្វក់ ៤) ការកំណត់ទំហំទុយោក្នុងការប្រើប្រាស់ ៥) ការកំណត់ល្បឿនទឹកហូរក្នុងទុយោតាមបទដ្ឋានបច្ចេកទេស ៦)ជម្រៅកប់បណ្តាញលូតាមបទដ្ឋានបច្ចេកទេស និង ៧) ផែនការប្រព័ន្ធចម្រោះទឹកកខ្វក់៕