[Kampucheathmey] - ពលរដ្ឋក្នុងភូមិព្រៃទា១ ទទួលបានផ្លូវបេតុងមួយខ្សែពីមូលនិធីភូមិសង្កាត់ចោមចៅទី៣
2022-03-22
Go to the website published Kampucheathmey
ភ្នំពេញ ៖ ប្រជាពលរដ្ឋក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ មានការសាទរយ៉ាងខ្លាំងចំពោះរដ្ឋបាលសាលាសង្កាត់ចោមចៅទី៣ បានផ្តល់ផ្លូវបេតុងមួយខ្សែដើម្បីងាយស្រួលធ្វើដំណើររួមទាំងប្រកបអាជីវករ។
នៅរសៀលថ្ងៃទី២១ ខែមីនា ឆ្នាំ២០២២ លោក វ៉ា សាវឿន ចៅសង្កាត់ចោមចៅទី៣ ចៅសង្កាត់រង បានដឹកនាំក្រុមការងារ ចុះពិនិត្យការដ្ឋានស្ថាបនាផ្លូវបេតុងមួយខ្សែ ក្នុងមូលដ្ឋានដើម្បីងាយស្រួលដល់បងប្អូនប្រជាពលរដ្ឋធ្វើដំណើរ។
លោក វ៉ា សាវឿន ចៅសង្កាត់ចោមចៅទី៣ បានឲ្យដឹងថា ផ្លូវដែលកំពុងស្ថាបនាខាងលេីមានប្រវែងបណ្តោយជិត១០០០ម៉ែត្រ ទទឹង៥ម៉ែត្រ ហើយនេះជាថវិកាមូលនិធិអភិវឌ្ឍន៍ភូមិសង្កាត់ចោមចៅទី៣។
លោកចៅសង្កាត់បន្តថា កន្លងមកឃើញផ្លូវពិបាកប្រកបអាជីវកម្មនឹងការធ្វើដំណើររបស់បងប្អូនប្រជាពលរដ្ឋក្នុងមូលដ្ឋាន ទើបលោកបានផ្តល់ជាផ្លូវបេតុងមួយខ្សែដើម្បីសម្រាលការលំបាកដល់បងប្អូនប្រជាពលរដ្ឋ។
ក្នុងឱកាសនេះផងដែរ លោកបានសំណូមពរដល់បងប្អូនទាំងអស់ ជួយថែរក្សាផ្លូវខាងលើឲ្យបានគង់វង្សយូរអង្វែង៕
