ភ្នំពេញ​៖ ពីថ្ងៃ​ទី​៨ ដល់ ១៤ ខែធ្នូ ឆ្នាំ​២០២១ មន្ទីរ​សាធារណការ និង​ដឹកជញ្ជូន ខេត្តកំពង់ឆ្នាំង តាកែវ កោះកុង ប៉ៃលិន បន្ទាយមានជ័យ ព្រះវិហារ ត្បូងឃ្មុំ រតនគីរី កែប និង​ខេត្តបាត់ដំបង បាន​ខិតខំ​យកចិត្តទុកដាក់ ចុះ​អនុវត្ត​កិច្ចការងារ​ថែទាំ លើ​កំណាត់​ផ្លូវជាតិ​លេខ​៥ លេខ​៧ លេខ​៨ លេខ​៣៣ លេខ​៥៧ លេខ​៥៩ លេខ​៣៣ លេខ​៥៣ លេខ​៦៤ លេខ​៦២ លេខ​៧២ លេខ​៧៣ លេខ​៧៨ លេខ​៤៨ លេខ​៧៨-៥ លេខ​៤៨-៥ លេខ​៣៣A និង​ផ្លូវថ្នល់ មួយចំនួន​ផ្សេងទៀត​។​ ​ផ្លូវ​ដែល​បាន​រង​ការខូចខាត ក្លាយជា​ជង្ហុក សំបុកមាន់ ក៏ត្រូវ​បាន​ក្រុមការងារ​មន្ទីរ ចុះ​ថែទាំ ជួសជុល ដើម្បី​ជួយ​សម្រួល ដល់​ការដឹកជញ្ជូន​ឆ្លងកាត់ ចំណេញ​នូវ​ពេលវេលា ប្រកបដោយ​ភាពរលូន និង​បង្ក​ភាពងាយស្រួល ដល់​បងប្អូន​ប្រជាពលរដ្ឋ ក្នុងការ​ធ្វើដំណើរ​។​ ​សូមជម្រាបថា ប្រសិន​ជួប​បញ្ហា​ផ្លូវថ្នល់​ខូច មាន​ជង្ហុក​សំបុកមាន់ បងប្អូន​ប្រជាពលរដ្ឋ អាច​ថត​រាយការណ៍ មក​ក្រសួង ដោយ​ប្រើប្រាស់ កម្មវិធី​ថែទាំ​ផ្លូវ (Road Care Mobile App) ដើម្បី​ចូលរួម​ថែរក្សា​ផ្លូវថ្នល់ ឱ្យ​កាន់តែ​មានការ​ប្រើប្រាស់ បានយូរ​អង្វែង (​ទាញយក​ឥតគិតថ្លៃៈ​ – App Store: https://roadcare.mpwt.gov.kh/ios – Play Store: https://roadcare.mpwt.gov.kh/android ) ៕