ភ្នំពេញ ថ្ងៃទី ១២ ខែ ឧសភា ឆ្នាំ ២០២១--ឯកឧត្តម ទេសរដ្ឋមន្រ្តី រដ្ឋមន្រ្តី បានអនុញ្ញាតឱ្យ លោកជំទាវ Teo Lay Cheng ដែលទើបទទួលការតែងតាំងជាឯកអគ្គរដ្ឋទូតថ្មី នៃសាធារណរដ្ឋសិង្ហបុរីប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ កាលពី ថ្ងៃ១៥រោច ខែពិសាខ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី១១ ខែឧសភា ឆ្នាំ២០២១ នៅទីស្តីការ។ នៅក្នុង ឱកាសនោះ ឯកឧត្តមទេសរដ្ឋមន្ត្រី បានសម្តែងការស្វាគមន៍ និងអបអរសា ទរចំពោះលោកជំទាវ Teo Lay Cheng ដែលទើបទទួលបាន ការ តែងតាំងជាឯកអគ្គរដ្ឋទូតថ្មីនៃសាធារណរដ្ឋសិង្ហបុរី ប្រចាំព្រះរាជាណាចក្រកម្ពុជា។ ឯកឧត្តម បានមានប្រសាសន៍ថា បេសកកម្មការទូតរបស់លោកជំទាវឯកអគ្គរដ្ឋទូត គឺពិតជាមានសារៈសំខាន់ខ្លាំងណាស់ដល់ការបន្តថែរក្សា និងលើកកម្ពស់ទំនាក់ទំនងមិត្តភាព និងកិច្ចសហប្រតិបត្តិការលើគ្រប់វិស័យរវាងកម្ពុជា-សិង្ហបុរី ឱ្យកាន់តែរឹងមាំ និងរីកចម្រើនខ្លាំងក្លាថែមទៀត។ជាមួយគ្នានេះដែរ បានគូសបញ្ជាក់អំពីការប្រើប្រាស់ដោយជោគជ័យនូវប្រព័ន្ធជាតិស្វ័យប្រវត្តិកម្មយានយន្ត ការចេញប័ណ្ណ ការប្រឡងយកប័ណ្ណ និងការយានជំនិះ ការសម្រេចជ្រើសរើសក្រុមហ៊ុន YCH និងInfrastructure Asia (IA) របស់សាធារណរដ្ឋសិង្ហបុរី ជាដៃគូឯកជនដើម្បីសិក្សា និងអភិវឌ្ឍន៍សំណើគម្រោងមជ្ឈមណ្ឌលភ័ស្តុភារកម្មភ្នំពេញ (Phnom Penh Complex – PP-LC) និងភារកិច្ចរបស់ ក្នុងការដឹកនាំរៀបចំកិច្ចព្រមព្រៀងក្របខ័ណ្ឌនេះ (Framework Agreement - FA) ជាមួយក្រុមហ៊ុនYCH និងក្រុមហ៊ុន IA ។ ទន្ទឹមនឹងនោះ ឯកឧត្តមទេសរដ្ឋមន្ត្រីបានមាន ប្រសាសន៍ថា គម្រោងមជ្ឈមណ្ឌល ភ័ស្តុភារកម្មភ្នំពេញ ជាគម្រោងយុទ្ធសាស្រ្តមួយដែលមានទីតាំងស្ថិតនៅចំកណ្តាល ប្រទេស ដោយ មាន ការគាំទ្រពីបណ្តាញជុំវិញទីក្រុងភ្នំពេញ ដើរតួនាទីក្នុងការចែកចាយទំនិញនៅក្នុងប្រទេស និងជាចំណុចតភ្ជាប់នៃឆ្លងកាត់ដែលរួមមាន៖ ថ្នល់ ដែក ទឹក និងអាកាស នឹងអាចប្រើជាមណ្ឌលដឹកជញ្ជូន និងភ័ស្តុភារកម្មក្នុងតំបន់ផងដែរ។ ដោយហេតុថា កម្ពុជាមានទីតាំងភូមិសាស្ត្រស្ថិតនៅចំកណ្តាលប្រទេសមហាអនុតំបន់ទន្លេមេគង្គ។ ដោយ ឡែក លោកជំទាវឯកអគ្គរដ្ឋទូត បានបង្ហាញបំណងបន្តពង្រឹង និងពង្រីកកិច្ចសហប្រតិបត្តិការ រវាងប្រទេសសិង្ហបុរី-កម្ពុជា ឱ្យកាន់តែរឹងមាំឡើងថែមទៀត តាមរយៈបេសកកម្មការទូតរបស់លោកជំទាវ៕