[VAYO FM] - លោករដ្ឋមន្ត្រី ស៊ុន ចាន់ថុល ប្រាប់ទៅមន្ត្រីខ្លួនកុំធ្វើការងារឲ្យរួចតែពីដៃ
2021-02-18
Go to the website published VAYO FM
លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រាប់ដល់មន្ត្រីក្រោមឱវាទទាំងអស់ថា ត្រូវធ្វើការងារឲ្យមានគុណភាព កុំឲ្យធ្វើតែរួចពីដៃ ទាំងការងារសាងសង់ស្ពាន ផ្លូវ និងសេវាសាធារណផ្សេងៗទៀត។ លោករដ្ឋមន្ត្រីបញ្ជាក់ថា មន្ត្រីទាំងអស់ត្រូវតាមដានការងាររបស់ខ្លួន ប្រសិនបើការងារគ្មានគុណភាពនាំឲ្យខ្មាស់ដល់អ្នកដទៃ ពិសេសខ្លួនឯងផ្ទាល់។
គួរបញ្ជាក់ថា លោក ស៊ុន ចាន់ថុល បច្ចុប្បន្នជាទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន។ លោកត្រូវបានគេមើលឃើញថា ជាមន្ត្រីមួយរូបក្នុងចំណោមមន្ត្រីរដ្ឋាភិបាលជាច្រើនរូបដែលមានប្រជាប្រិយភាព និងមានស្នាដៃការងារល្អ ដែលមជ្ឈដ្ឋានជាច្រើនគោរព និងកោតសរសើរ៕
